Oshifokundaneki shoNew Era mexuliloshivike okwa li sha unganeka efiku loudano wokutondoka omo ovanailonga osho yo ovakalimo vomoWindheok kwa li va kufa ombinga moudano ou.
Ovanailonga ve dulife 30 va dja mehangano loNew Era okwa li ve udite ombili okukufa ombinga moudano ou.
Ovanhu ova lotoka oshinano sheekilomita 5.
Omuunganeki noku li omukwateli komesho woudano wokutondoka, Limba Mupetami okwa ti elalakano loudano ou okudimbuluka efiku loundjolowele wopamadiladilo.
Okwa ti efiku e li okwa li la dimbulukwa oshivike sha dja ko mounyuni.
“Omudo ou, New Era naye okwa unganeka efiku e li opo a kale e li dimbuluka tashi pitile modauno wokutondoka,” ta ti.
Okwa ti efiku loundjolowele wopamadiladilo ola fimana molwaashi ota li xwaxwameke oshiwana shi kale tashi ka konga omakwafo ngeenge sha didilika kutya otashi hepekwa koudu wopamadilaadilo.
Okwa weda po ta ti natango, oudano ou owa fimana kovanailonga shaashi otau xwaxwameke oukumwe nelongelokumwe tashi pitile moudano.
“Ovanailonga vakwetu okwa li va hangana, ve udite ombili eshi va veli pamwe navakwao tava ningi omafiyafano okutondoka,” ta ti.
Mupetami okwa pandula aveshe ovo va kufa ombinga moudano wokundoka.
-fhamalwa@nepc.com.na
The post New Era a unganeka efiku lokutondoka appeared first on New Era.