Shillong, Oct 15: Shillong songjinmao Rilbong gittim, Rilbong Durga Puja aro Rilbong Sanatan Hindu Dharma Sabha-ni Centenary Celebration ba bilsi 100 gapani manianiko Bristibar salo, Meghalaya a•dokni Chief Minister Conrad K Sangma, Arts & Culture Minister Sanbor Shullai-ni dongpaanichi a•bachengate on•angaha.
Ia manianiko a•bachengate on•anganio a•dokni Chief Minister, jinmana aganprakangengon, Rilbong gittimo songdongenggipa manderangna an•tangni namgipa skaniko on•angenba, batanggimin bilsi 100-ni gisepo Rilbong-o songdongenggipa dingtang dingtang jat aro toromni manderang, tom•tomao meli-nangrime songdong a•chaan baksana a•dokni namroro silroroanio bang•en on•giltokaha ine parakataha.
Trailblazers Award-rangko man•gipa sak 15 manderangni kamrangko mittelpile aganangengon, ia manderang, dingtang dingtang neng•nikanirangko chagrongna nangahaoba an•tangtangni miksonganirangko chu•sokatna krenge kamrangko ka•aha ine Chief Minister aganaha.
Dingtang dingtang gittimrangna aro dolrangna sorkarini dakchakanirangko on•engani gimin janapatengon, a•dokni dingtang dingtang songjinmarangko aro jillarangko nitogipasan ong•aigija manderangna naljokgipa ong•atna sorkari, dingtang dingtang project-rangko ra•gate on•aha ine Chief Minister aganaha.
Jatna kam ka•enggipa aro jatni daka rikanirangko ripinge rakkina kam ka•enggipa dolrangna dakchakanirangko on•enggipani bidingo janapangskaengon, Arts & Culture, Tourism Department, NEC aro CMSDF-ni ning•o sorkari pilak nanga dakchakanirangko on•enga ine Chief Minister parakataha.
Ia program-ko ong•atanio a•dokni Chief Minister, Rilbong Sanatan Hindu Dharma Sabha-na Chief Minister’s Special Development Fund (CMSDF)-ni ning•o gong lak 25-ni sanction letter-rangkoba pakwate on•angjolaha.
Na·simang iakoba nina man·gen:
Na·simang iakoba poraina man·gen: Nokma Sani Union-ni tom•bimonganio Nokma Council bak ra•jaenga
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
The post Rilbong-ni bilsi 100 gapani manianiko CM a•bachengate on•a appeared first on Hub News.