Maxkamadda Darajada Koowaad ee Ciidamada Qalabka Sida iyo Dambiyada Culus ee Dowladda Puntland ayaa xukunno kala…
15 October, 2026
Maxkamadda Darajada Koowaad ee Ciidamada Qalabka Sida iyo Dambiyada Culus ee Dowladda Puntland ayaa xukunno kala duwan ku ridday shan askari oo ka tirsanaa Ciidanka Booliska Dekedda Boosaaso, kuwaas oo lagu eedeeyay cabista maandooriyaha khamriga.
Saddex ka mid ah eedaysanayaasha oo kala ah Cabdi Cali Maxamed (Hawaar), Cabdixakiim Axmed Muuse iyo Cabdixakiim Maxamed Jaamac ayaa maxkamaddu ku xukuntay midkiiba lix bilood oo xabsi ciidan ah, kaddib markii ay maxkamaddu dhegaystay eedaha loo haystey.
Dhanka kalena, Maxkamadda ayaa eedaysanayaasha kala ah Maxamed Agandi Cismaan iyo Yaxye Warsame Axmed, kuwaas oo maqan, ayaa midkiiba lagu xukumay hal sano oo xabsi ciidan ah, iyadoo xukunkoodu dhaqangeli doono maalinta la soo qabto, sida lagu sheegay go’aanka maxkamadda.
Sidoo kale, maxkamaddu waxay go’aamisay in Maxamed Agandi Cismaan iyo Yaxye Warsame Axmed laga ruqsadeeyo Ciidanka Booliska Dowladda Puntland, iyadoo sabab looga dhigay inaysan u qalmin inay sii ahaadaan xubno ka tirsan ciidanka.
Explore more on these topics