Shillong, Risaw 16 : U Myntri Rangbah ka Jylla Conrad K Sangma ha ka sngi Thohdieng ula plie paidbah ia ka Sports Science Centre ha Shillong bad ong “Ki champion jong ka lashai kan sdang da ka nongrim ba ngi tei mynta”.
Kane ka Sports Science Centre kan long ka sienjam kaba kongsan ban pynkhlain iaki jingtei kiba iadei bad ki kam ialehkai bad ban kyrshan ia ki nongialehkai lyngba ki jinghikai kaba pynshong nongrim ha ka saian, ka jingpeit bniah ia ka jinglah ialehkai jong ki bad ka jingsumar ia ki jingmynsaw.
Ïa kane ka centre la seng ha ka jingïatreilang bad ka Abhinav Futuristics Pvt. Ltd. (AFL), ka kompeni kaba la ïalam da u Abhinav Bindra, uba long u nongïalehkai India uba nyngkong eh ban khur takma ksiar ha ka Olympic ha ka kyrdan shimet. Kane ka sienjam ka bud hadien ka jingtyrwa da ka AFL sha ki bor sorkar jong ka Jylla ha ka por ba iasoi ïa ka Olympic Values Education Programme (OVEP).
Kane ka centre ka wanrah lang ïa ka jingbishar bniah ïa ka jinglah ïalehkai, ka jingkhmih bniah ia ka bor met, ki jinghikai kyrpang bad ki jingsumar ban pynkhiah biang ïa ki nongïalehkai hapoh kawei ka jaka. La pynbiang ïa ka da ki tiar ban bishar ïa ki jinglong jong ka met, ka rukom treikam jong ki dohksah bad ki thied, ka jingbishar ïa ki jingkhlain kiban ïarap ïa ki nongïalehkai bad ki coach ban ithuh ïa ki bynta kiba donkam ban pynbha.
Haba thoh ha X, u Conrad ula ong “Ka thong jong ngi ka long ban tei ia ka rukom treikam kaba khlain ha ki kam ialehkai, naduh ka jingithuh ia ki sap na man ki shnong shaduh ka jinglah ialehkai ha ki kyrdan ba hakhlieh duh, kaban ai ia ki nongialehkai jong ngi ia ka atiar ba kin iakhun bad kiba tbit eh ha ka pyrthei. Ki champion ka lashai kan sdang da ki nongrim ba ngi tei mynta!”.
Excited to inaugurate Meghalaya’s first High-Performance Sports Science Centre in Shillong!
In collaboration with Abhinav Futuristics, an initiative of Olympic Gold Medallist Mr. @Abhinav_Bindra, the Centre brings world-class sports science, performance analytics, training and rehabilitation under one roof.
Our vision is to build a strong sporting ecosystem, from grassroots talent identification to elite performance, giving our athletes the tools to compete with the best in the world.
While we aspire medals in
National and International sports for our state, the dream is much bigger than medals. We want sports to become a way of life and Meghalaya to emerge as a leading sporting destination.The champions of tomorrow begin with the foundations we build today!
@mansukhmandviya @IndiaSports
— Conrad K Sangma (@SangmaConrad) October 16, 2026
Kane ka centre kan ai ruh ïa ki jingshakri kyrpang ha ka jingpynkhreh bad pynkhlaiñ ïa ka met, ka jingpynkhiah bad jingkyrshan ki ban iarap ban khanglad bad sumar ia ki jingmynsaw jong ki nongialehkai.
Ka Sorkar Jylla ka thmu ban pynlong ia kane ka centre kaba lah ban pyndonkam da ki nongialehkai ha ki kyrdan bapher bapher, naduh ka jingithuh ia ki sap ha ki shnong ki thaw lyngba ki prokram pynroi sap sha ki nongialeh kai ba tbit kiba pynkhreh ban leit iakhun sha ki lympung ha Jylla, ha ka Ri bad shabar ka Ri.
Pule ruh : Khang dam ka karkhana coke ha Rajaju na ka jingiakhih ki Nongshongshnong
Peit ruh
Wad ia ki khubor ba dang shu jia na man ki jaka kyndong ka thain Shatei Lam Mihngi ha hubnetwork.in, ka tyllong khubor online jong phi ban lap ia man ki khubor ba dang jia, ki jingring durkhih.
Bud ruh ia ki ha ka
Twitter – twitter.com/nemediahub
Youtube channel – www.youtube.com/@NortheastMediaHub2020
Instagram – www.instagram.com/ne_media_hub
Download ia ka app jong ngi na playstore – Northeast Media Hub
The post “Ki Champion ka lashai kan sdang na ki nongrim ba ngi tei mynta” | Plie u CM ia ka Sports Science Centre ha Shillong appeared first on Hub News.