Shillong, Oct 16: Gnigipa changna ong·atanggipa State Level Chief Minister’s Youth Engagement Program (CMYEP)-ko Sukrobar attamo, Shillong songjinmani Lariti Auditorium-o matchotataha aro ia program-ko matchotatanio, Meghalaya a·dokni Chief Minister Conrad K Sangma, mongsonggipa sokgipa ong·e bak ra·angaha.
Ia tom·bimonganio a·dokni Chief Minister, jinmana aganprakangengon, Meghalaya a·dokara dambegipa a·doksan ong·aia aro ian Meghalaya-ni bilba ong·skaa ine aganaha.
Dingtang dingtang kamrango a·dok sorkari, chadamberangna cholrangko tarie on·enga ine janapatengon, a·dokni chadamberang, doka dam·ani, kal·susaani, bading chiwalani, jakni kamrang, daka rikani aro dingtang dingtang kamrango, an·tangtangko tarina gita cholrangko man·enga ine Sangma aganaha.
Ia CMYEP-ko a·bachengatani bidingo talate on·angengon, batanggimin changgnina ong·atanggipa Meghalaya Games-ko nike, a·dokni chadamberangna, a·dokni gita, a·songni gita aro a·gilsak gimikni gitaba saksa sakgipin baksa susagrikanirangko ong·atna nangnikaha ine Chief Minister aganaha.
Skangode ia Youth Exchange Program-ko district headquarter-rangosan ong·ataiachim indiba da·ode ia program-ko a·dokni pilak block-rangon ong·atengaha ine janapatengon, ia CMYEP-ni chu·sokgipa ong·engani gimin ua, dingtangmancha Sports & Youth Affairs department-ko mittelpilangaha.
Ia CMYEP-ni bak gita dingtang dingtang susaanirangko ong·atanio chegipa chadamberangna a·dokni Chief Minister, boksisrangkoba suale on·angaha.
Ia 2026 bilsini CMYEP-o a·dokni gimik dam 56 block-rangoni sak 14,000-mangni gita chadamberang bak ra·angaha.
Na·simang iakoba nina man·gen:
Na·simang iakoba poraina man·gen: GHADC-na dabianirang chu•sokgipa ong•anina GH-ni dingtang dingtang dolrang tom•e re•joma
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
The post CMYEP-ko matchotatanio CM bak ra·a appeared first on Hub News.