Omulumenhu weedula 50 okwe li mangeleka konima eshi vati a dipaa omukulukadi waye nekuva.
Oshiningwanima osha ningwa mexuliloshivike komukunda Oshiyagaya moshikandjohoololo shaNyaanya moshitukulwa shaShikoto, efimbo longula.
Omukulukadi o u a dipawa okwa tongololwa oye Amalia Sheya weedula 53 omukalimo womomukunda Oshiyagaya.
Omanga omulumenhu ou e limangeleka a tongololwa oye Simon Sheya.
Omukulunhu wopolifi moshitukulwa shaShikoto Commissioner Ndafudha Iifo okwa koleka onghundana e i.
Opolifi oya hokolola tai ti ovaholafani ava okwa li tava tanguna, naashi osha eta vati omulumenhu a dipaye omukainhu waye ndele naye te li kufa omwenyo eshi vati e li mangeleka.
Otaku hokolola kutya omulumenhu ou okwa kufa omupini wetemo ndele ta denge omukainhu waye komutwe.
Vati konima yefimbo okwa kufa ekuva ndele ta tete omukulukadi waye kofingo.
Okwa xulifila meumbo efiku olo tuu olo.
Opolifi oya hokolola tai ti konima yokafimbo, omulumenhu okwa faduka po ndele tai mepya omo taku hokololwa vati e li mangelekela.
Otaku hokololwa kutya olutu laye ole li tuwa li li koshi yomuti.
Ovaholafani ava vavali ova hombola nokwa li hava di pamwe.
Omulumenhu i na fiya po omukanda tau yandje ouyelele kombinga yefyo laye ile lomukulukadi waye.
Opolifi oya kumaida ovaholafani kutya ngeenge ove li hanga vena oupyakadi meehole davo opo vaka konge omakwafo kovaxungimwenyo.
Natango, oshiwana osha kumaidwa opo shi kale alushe tashi lopota omahepeko omomaumbo pefimbo molwaashi okwa didilikwa ovanhu vamwe vehe hole okulopota unene ngeenge tava dengwa, osho sha nyika oshiponga.
-fhamalwa@nepc.com.na
The post Vati a dipaya omukadi ndele teli mangeleke… a dengwa nomupini wetemo… ta tetwa nekuva mofingo appeared first on New Era.