Shillong, Oct 14: Meghalaya a•doko galchipgimin koela a•damrangko chipna gita sorkari, kamrangko ka•engaha ine a•dokni Chief Minister Conrad K Sangma parakataha.
Galchipgimin koela a•damrangko chipchina kachari ge•etaniko on•ani ja•manba a•doko niam gri bikotgipa koela a•damrangoni damsakoba kapenge donkujaenga ine Meghalaya High Court-ni songe on•gipa Justice (Retd) BP Katakey Committee-ni report-ko on•gipani bidingo Chief Minister, ia kattarangko aganaha.
Ia report-ko ua an•tangde name poraie nikuja aro ia report-ko name poraie niani ja•mansa iani bidingo talbate aganna man•gen ineba Sangma aganaha.
Katakey committee-ni report-o parakani gitade, East Jaintia Hills a•jamangmangon, iandakgipa koela a•damrang, dam 22,000-na baten donga.
Iandakgipa koela a•damrangko chipe donkujaenga ine report-ko on•anina aganchakaniko on•angengon, Meghalaya Environment Protection & Restoration Fund (MEPRF)-ni ning•o iana tangka paisarangko jakkalna sienga indiba kamrang matchotsrangkujaengani gimin koela a•damrangko chipatna man•kujaenga ine Chief Minister parakataha.
A•dokni dingtang dingtang biaprango hisape dongimin metric ton lak 13 koelarang gimaenga ine report-ko on•gipani bidingo janapatskaengon, ia metric ton lak 13 koelarangni giminde ua name sandichengna nangkugen ine Chief Minister aganaha.
Na·simang iakoba nina man·gen:
Na·simang iakoba poraina man·gen: M’laya-ni CM, Ward’s Lake-o Meghalayan Age Pavilion-ko oprake on·a
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
The post Galchipgimin koela a•damrangko chipna kam ka•engaha: CM appeared first on Hub News.