Shillong, Risaw 15 : Ka Kynhun Myntri ka Sorkar Meghalaya Democratic Alliance (MDA) ha ka sngi Ba-ar kala mynjur ia ka resolution ba ai khublei ia u Myntri Rangbah Duh Narendra Modi halor ka jingdap 25 snem kum u Khlieh ka Sorkar bad ka jingkyrshan ba iai neh kumjuh ia ka thain Shatei Lam Mihngi bad ka Meghalaya, ong u Myntri Rangbah Conrad K Sangma.
“Ka Tnad Cabinet Affairs kala mynjur ia ka resolution ban ai khublei ia u Myntri Rangbah Duh namar ka jingdap 25 snem ka jingshakri bad namar ki kam pynroi bapher bapher kiba la pyntrei ha ka thain bad kyrpang eh ha Meghalaya” ong u Conrad hadien ba dep pyniaid ia ka jingialang.
Haba pule ia ka resolution, ula ong ba u Modi ula pyndep ia 25 snem ka jingshakri kum u khlieh ka Sorkar-kum u Myntri Rangbah ka Gujarat naduh ka 7 tarik Risaw, 2001 bad kum u Myntri Rangbah Duh naduh ka 26 tarik Jymmang 2014- ha ka jingim paidbah ba batai da ka jingshakri bad ka jingaiti lut nyngkong eh ia ka India.
Ka resolution ka pynpaw ba hapoh ka jingialam u Modi, ka NITi Aayog kala antad jan kumba 25 klur ki briew kila lait na ka jingduk kaba ktah ia bun tylli ki bynta jong ka jingim hapdeng u snem 2013-2014 bad 2022-23, da ki jingmyntoi bala ai lyngba ki Iing, ki painkhana, ka bording elektrik, ka umbam umdih, ka Ayushman Bharat bad DBT lyngba ka Digital India, UPI bad JAM trinity, kaba long kat kum ka nongrim jong ka Antyodaya and Sabka Saath Sabka Vikas.
Ka ong ruh ba ka jingïalam jong u ka la buh ïa ki kynthei ha khmat eh, ïa ki nongrep ha pdeng jong ki polisi rep bad ïa ki samla ha ka dohnud jong ka thong Viksit Bharat 2047, haba pynkhlaiñ ruh ïa ka thong Atmanirbhar Bharat, ki jingtei pynroi bad ka jingthaw ia ki buit treikam thymmai, bad pynthikna ba ka jinglong jingman jong ka jaka kam dei ban khanglad ïa ki lad ban ïoh jingmyntoi, bad da kaba buh ïa ka thaiñ Shatei Lam Mihngi ha pdeng jong ki jingthmu jong ka ri.
Haba kdew ia ki jingmyntoi ba ioh ka Meghalaya, u Conrad ula iathuh ba ka bhah SASCI kala kiew na ka T.200 klur ha u 2021-22 sha ka T.2,333 klur ha u 2025-26, kaba long haduh 45% ka jingmang pisa ka Jylla sha ki jingtei pynroi, ka JJM tap connection kala kiew na ka 4,500 ha u 2019 sha ka 5,48,261 (84%), PMGSY-1214 tylli ki surok (5,406 km) bad 108 tylli ki jingkieng ba pyniasoh ia 596 na ki 600 tylli ki shnong.
La pyndep ia ka PMAY-G ia palat 1.6 lak ki Iing, MGNREGA ka wanrah haduh T.14,427 klur bad 3.32 lak ki jingdon jingem, DAY-NRLM la lum haduh 4.93 lak ki kynthei sha ki 5,260 ki SHG da T.775 klur ka jingai ram, PM-KISAN la phah T.664 klur sha ki 1,83821 ki nongrep, PM Fasal BIMA la siew T.39.4 klur sha ki 57.822 ki nongrep, kyrshan ka NHM ban pynhiar ia ka jingiap ki longkmie ba kha khun da 57% naduh u 2020 bad IMR n aka 28 sha ka 23% ha man ki 1000 ki jingkha khun, bad PM-DevINE la mang ia 7 tylli ki project ba T.773.92 klur kynthup ka Sohra Circuit, IT Park, Ropeway bad Unity Mall.
Ki Jingkieng Jri kila shah jied na ka bynta ka UNESCO World Heritage 2026-27 cycle, ai T32.45 klur na ka bynta ka Wangala, Nongkrem, Meghalayan Age cave bad Sohra, bad T. 24.87 klur na ka bynta ka Nartiang bad Mawphlang, ula ong.
ka Kynhun Myntri ka la mynjur ban buh ha ki jingthoh ïa ka jingsngewnguh kaba khraw sha u Myntri Rangbahduh, haba kdew ïa ki jingkylla kiba lah ban ïohi ha ka jingpynpoi um, ki surok, ki iing, ki lad kamai jakpoh, ka koit ka khiah bad ka pateng tynrai, katba ka dang donkam ban bteng ïa ki kam ban poi sha ki longïing kiba dang sah shabar jong ki skhim pynroi.
Pule ruh : Kular u DC ka EKH ban leh eiei halor ki Puja pandal ba khang lynti ia ki surok PWD
Peit ruh
Wad ia ki khubor ba dang shu jia na man ki jaka kyndong ka thain Shatei Lam Mihngi ha hubnetwork.in, ka tyllong khubor online jong phi ban lap ia man ki khubor ba dang jia, ki jingring durkhih.
Bud ruh ia ki ha ka
Twitter – twitter.com/nemediahub
Youtube channel – www.youtube.com/@NortheastMediaHub2020
Instagram – www.instagram.com/ne_media_hub
Download ia ka app jong ngi na playstore – Northeast Media Hub
The post Ai khublei ka Sorkar MDA ia u PM Modi ba dap 25 snem kum u Khlieh ka Sorkar appeared first on Hub News.