Itanagar, Oct 25: Arunachal Pradesh a·dokni Pasighat-o so·sojengjeng ong·anina da·o dipet police, sak 15 manderangko rim·aha aro gipinrangkoba rim·angkuani cholrang donga ine Robibar salo, Arunachal Pradesh Police-ni IGP (Central Zone) Hibu Tamang parakataha.
Pasighat-o so·sojengjeng ong·ani ja·man, tom·tomaniko rakkina gita sipai dolrangko watdapataha ineba Tamang aganaha.
National Hydroelectric Power Corporation Limited (NHPC)-o kam ka·enggipa manderangna Central Reserve Police Force (CRPF)-ni sipairangna chel·chakaniko on·aha aro uamang pilakan naljokaniko man·aha ineba IGP parakataha.
Tamang-ni aganani gitade, NHPC office-ko wa·al so·e chadrapanina aro sipai dolrangko chadrapanina mingdok case-rangko segataha aro da·o dipet dos dakgipa manderangoni sak 15-kode rim·na man·aha.
Jegalgipa manderangni ro·ongrangchi goe chadrapanio, Arunachal Pradesh Police aro ma·mongoni watatako man·gipa sipai dolrangoni sak 40-na baten sipairang, saknaanirangko man·aha ineba Tamang parakataha.
Jingjengatenggipa chadamberangko ding·chaoatanio aro iandake so·sojengjeng ong·atanio jak donggipa manderangko rim·na police, ning·tue am·sandianirangko dakenga ineba IGP aganaha.
The post Arunachal-ni Pasighat-o so·sojengjeng ong·anina sak 15 manderangko rim·a appeared first on Hub News.