Tura, Oct 15: Budbar salo, District-Level World No-Tobacco Day-ko, West Garo Hills a•jani District Medical & Health Office (DM&HO) aro District Health Society, West Garo Hills National Tobacco Control Program (NTCP) baksa nangrime Tura-ni District Auditorium-o maniangaha.
Ia program-ko ong•atanio, NTCP aro National Oral Health Program (NOHP)-ni State Nodal Officer Dr Nabanita Mawrie, program-o bak ra•giparangna aganprakengon, Meghalaya a•doko bilsiantian ta•makkuko jakkalani a•sel sak 8000-mang ong•nasipile siangenga aro a•doko ta•makku jakkalgiparangoni 47 percent-de ja•delgimin manderang aro 34 percent-de bi•sarang ong•a ine parakangaha.
Meghalaya a•dokan oesophageal cancer-ko man•giparangoni a•songo bang•batgipa ong•enga ineba Dr Mawrie aganaha.
Ta•makku jakkalaniko champengna ka•enggipa kamrangni gimin janapangengon, a•doko Tobacco Free Educational Institution (TOFEI) project-ko ra•gatanichi a•dok sorkari, ta•makkuoni jakgitel ong•gipa songrangko bariatna aro ta•makku jakkalani bidingo mikrakatanirangko on•na kam ka•enga ine Dr Mawrie parakataha.
Ia program-ko ong•atanio, West Garo Hills a•jani Traffic SP Rupam R Marak-ba aganprakengon, ia jolrango drug ba pekatgipa samrangko jakkalgiparang batroroengani gimin an•tangni suk ong•gijaniko parakangenba, ia sal somoirango bilsisku ba bilsi 10 ong•gipa bi•sarangoni taltalan pekatgipa samrangko jakkalenganiko ma•sina man•aha ine aganaha.
World Health Organisation (WHO)-ni data-o bilsiantian a•gilsak gimiko ta•makku jakkalanichi million chetna baten manderangna sina nangengako mesokaha ine janapatengon, ta•makkuko jakkalaniara, bi•sarang aro dal•drobaenggipa chadamberango taningrangko nosto ong•atna man•a ine Marak aganaha.
Ia program-ko ong•atanio ua, Cigarettes and Other Tobacco Products Act (COTPA), 2003, Prohibition of Electronic Cigarettes Act (PECA), 2019, aro Juvenile Justice Act-ni giminba jinmana agan-talatanirangko on•angaha.
Ia tom•anio, West Garo Hills a•jani DM&HO Dr Arpita R Marak, Nokma Council-ni Secretary Danny Ch Marak aro dingtang dingtang official-rangba bak ra•angtokaha.
Na·simang iakoba nina man·gen:
Na·simang iakoba poraina man·gen: Umbrella Post-Matric Scholarship-ni tangkarangko CM watata
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
The post Tura-o World No Tobacco Day-ko ong•ata appeared first on Hub News.