Shillong, Oct 12: A•dokni chadamberangna cholrangko on•na aro chadamberangni changa sapanirangchi economy-ko tang•doatna miksonganio Chief Minister’s Youth & Innovation Summit 2026-ko Sombar salo, Shillong songjinmani Hotel Vivanta-o ong•atangaha aro ia tom•anio Meghalaya a•dokni Chief Minister Conrad K Sangma, mongsonggipa sokgipa ong•e bak ra•angaha.
Ia program-ara, chadamberangna, uamangni poraianirang baksana jakni kamrangko skie on•anichi, dal•rorobaenggipa company-rango kamrangko ka•na gita didina ra•gatgipa program ong•a aro ian jakni kamrangko skie on•anichi, bida budiko ra•anichi aro digital-ni bidingo u•i-ma•sianirangko on•dapachi, lekka porako ra•ani aro kamrangko ka•anio kolgapgijaniko kolgapatna miksonganiba ong•a.
Ia program-ko ong•atanio, dingtang dingtang college-ni chatro chatrirangna, uamangni dingtang dingtang kamrango u•i-ma•siani aro changa sapanirangko mande ra•pilskana gita certificate aro boksisrangkoba Chief Minister-ni jakchi on•angaha.
Una agreba, bading chiwalanirangko a•bachengatenggipa manderangnaba, uamangni kamrango dakchakaniko on•na ia program-o a•dokni Chief Minister, dingtangmancha cheque-rangko suale on•angaha.
Salgro salaram jolrango chadamberangko an•tangtangni kam ka•e cha•ani cholrangko an•tangtangan rikchina didiengon, technology, green energy aro pangkamgipa gama ge•anirangko man•chape dingtang dingtang kamrango chadamberangna cholrangko on•na gita ia program-ni miksonganiba ong•a.
Ia summit ba tom•bimonganiko ong•atanio, niam tarigiparang, dingtang dingtang karkanani manderang, a•doko tangka paisarangko invest ka•giparang aro chadamberangba bak ra•e, Artificial Intelligence (AI), pangkamgipa gama ge•ani aro dingtang dingtang kamrangni bidingo apsan chanchirimangaha.
Na·simang iakoba nina man·gen:
Na·simang iakoba poraina man·gen: M’laya a·dok, Pynursla-Rymaw-o Tourist-rangna gari donchakani biapko tarina miksonga
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
The post CM’s Youth & Innovation Summit-ko ong•ata appeared first on Hub News.