Kohima, Oct 25: Nagaland a·dokni skotong Kohima songjinmao, Polo Hotel Kohima-ko Nagaland a·dokni Governor Nand Kishore Yadav nokdonggae on·angaha aro ian Nagaland a·doko kulichenggipa five-star hotel-ba ong·aha.
Ia hotel-ko nokdonggaanio, Polo Hotels Group-ni official-rang, sorkari official-rang aro gipinrangba dongpae bak ra·angtokaha.
Ia tom·anio Nagaland a·dokni Governor, tom·anio bak ra·giparangna aganprakengon, ia hotel-ko kuliahani gimin Polo Hotels Group-na an·tangni namgipa skaniko on·angenba, ia hotel-ko kulianichi Nagaland a·dokni manderangna kam ka·e cha·ani cholrangko ong·katatan baksana chadamberangko bading chiwale cha·na didianiba ong·gen ine aganaha.
Nagaland a·dokni ong·telaigipa nitoani, gamchatbegipa daka rikani aro manianirangna mittele aganangengon, ian a·songni aro a·gilsakni gipin biaprangoni manderangkoba sokchakna gita nambegipa biap ong·a ine Yadav aganaha.
Ia Polo Hotel Kohima, Nagaland a·dokni cholguga gita ong·e a·dokni tourism-ko tang·doatna, manderangna janggi tangani cholrangko on·na aro dingtang dingtang karkanarangko kulina dakchakaniko on·anggen ineba ua Governor, an·tangni ka·dongchakenganiko parakangaha.
The post Nagaland a·dokni skanggipa five-star hotel-ko kulia appeared first on Hub News.