NSU, ‘Mikgaoani Sal’ program-o bakrimanina talatanga

Date:

Share post:

Tura: Mnisal Tura-o “Mikgaoani Sal” (The Awakening Day) program-ko ong·atangao bakrimani gimin talataniko on·engon Nokma Sani Union (NSU), ‘programo bakrimaniara A·chik Nokmarangni bil-rengsiko rakkie ja·rika aro mikkangchi jatni daka-rikani bewalrangko ripingangkuna miksonganiosa bak bakrimaha, iako politics-o  bakrima dake ra·jachina’ ine agan-talataha.
Sonibar salo press release-ko wate union, programo bak ra·ani gimin talatengon, indine aganaha, “Nangrimgimin A·chik Dol (NAD)-ni mni October 16 tarik Sukrobar salo Matchakolgre Playground-o ong·atgipa programo Garo Hills-oni dingtang dingtang bakrangoni A·chik Nokmarang bakko ra·angtokaha.
Garo Hills Autonomous District Council (GHADC) election-ko ra·dodapatani bidingo Nokma Council, mikkangchi New Tura Playground-o tom·aniko ong·atna parakahani gimin jaja jiji ong·tokengani gimin union talatangaha. NAD aro gipin organisation-rangni ong·atgipa program-rangni bidingo jaja-jiji ong·angaha ine NSU aganaha.
Nokma Council, non-profit, non-political aro independent organisation ong·e Garo Nokmarangni namgnina kamko ka·gipa dolsa ong·a, unbaksana GHADC-ni kamrangko mangrakbatatna customary rights, jatni daka rikani bewalrangko ripingna kam ka·a
BJP-ni dilgipa Tura-ni MDC Bernard Marak-ko, A·chik National Volunteer Council-B (ANVC-B)-ni dilgipa ong·ani gimin uko programona okamani giminba talataha.
Uandake awareness programo Nokmarangna uamangni bil-rengsiko, daitoko aro customary practice- iarangni gimin u·ie talate on·na miksonganio ong·ataha ineba NSU parakangaha.
Uni gisepon union, GHADC-ni Executive Member Dormonath Sangma aro Meghalaya sorkarikoba Seperate Electoral Roll-na mittelangaha.