Shillong, Risaw 23: U Deputy Commissioner (DC) ka East Khasi Hills u Abhilash Baranwal ula ong, ba ki bor synshar district kala pynkhlain ka jingiadei bad ka jingiatreilang bad ki nongshong shnong ban rat dyngkhong ia ki kam bymman khamtam hadien jur ka jingshah kawang petrol bomb ha kine ki khyndiat sngi.
Haba iakren bad ki nongpathai khubor hynne ka sngi, u Deputy Commissioner ula ong, ba ki bor district kila shong jingialang haba iadei bad ka jingshah ktah ka shongsuk shongsaiñ ha kaba iadei bad kine ki jingkawang petrol bomb.
Ula ong, ba ki bor synshar district ka don ar tylli ki kam ban leh, kawei ka long ban don ki lad ban iajan bad ban iatreilang bad ki shnong ki thaw bad ki nongshong shnong bad ia kane la leh lyngba ophisar bad ki sector magistrate.
“Ngi la iakren bad ki Rangbah Shnong bapher bapher hapoh ka sor Shillong khnang ban tei ia ka jingshaniah shaphang ka jinglong khia jong ki bor District ban pynneh ia ka suk ka sain” la ong u DC.
U DC ula ong, ba ka ophis jong u Superintendent of Police (SP) East Khasi Hills ka dang leh katba lah ban pyrshang bad wad ia ki nongleh kam sniew khnang ba kin lah pynngat ha ki kyndon aiñ.
Pule ruh : Ka ain kan beh ia ki nongleh kam sniew, ong u DyCM halor ki jingjia kawang petrol bomb
Peit ruh
Wad ia ki khubor ba dang shu jia na man ki jaka kyndong ka thain Shatei Lam Mihngi ha hubnetwork.in, ka tyllong khubor online jong phi ban lap ia man ki khubor ba dang jia, ki jingring durkhih.
Bud ruh ia ki ha ka
Twitter – twitter.com/nemediahub
Youtube channel – www.youtube.com/@NortheastMediaHub2020
Instagram – www.instagram.com/ne_media_hub
Download ia ka app jong ngi na playstore – Northeast Media Hub
The post Pynkhlain ki bor district ia ka jingiadei bad ki nongshong shnong ban tem ia ki kam bymman appeared first on Hub News.