Shillong, Oct 13: Garo Hills Autonomous District Council (GHADC) election-ko a•dok sorkari, ong•atninggija donna miksongani dongja indiba constituency-rangni simarangko salpiltaiani aro dingtang electoral roll-ko tariani kamrang matchotkujaengani giminsa GHADC-ni term ba somoiko jadokna ra•dodaptaina nangaha ine Mongolbar salo, Meghalaya a•dokni Chief Minister Conrad K Sangma talataniko on•angaha.
GHADC-ni term-ko jadokna ra•dodapatani matchota bakan election-ko ong•atna miksongani dongachim indiba constituency-rangni simarangko gital dake salpiltaiani aro dingtang electoral roll-ko tariani kamrang matchotkujaengani gimin election-ko ong•atna man•jaha ineba Sangma aganaha.
Constituency-rangni simarangko gital dake salpiltaiani kamrang matchotkujaskalde election-ko ong•atna man•jawa aro dingtang electoral roll-ko taria matchotkujaskalde constituency-rangni simarangko salpiltaiani kamrangkoba matchotna man•jawa ineba Chief Minister aganaha.
Delimitation ba constituency-rangko gital dake salpiltaiani gimin janapatengon, constituency-rangni simarangko salpiltaianio, dingtang electoral roll-ko tarina a•dokni Governor-ni ra•chakaniko nangchengaha aro uni ja•mansa bon•kamgipa kamrangko ka•na man•aha ine Sangma aganaha.
Da•o GHADC-na dingtang electoral roll-ko tarina kamrangko a•bachengahani gimin jadokni gisepon kamrangko matchotna man•gen ine Chief Minister, an•tangni ka•dongchakenganiko parakataha.
Na·simang iakoba nina man·gen:
Na·simang iakoba poraina man·gen: Tripura, Awareness program-rangko ong·ate ong·telaigipa obostarangna tarisamsoaniko mangrakbatata
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
The post GHADC election-ko ong•atninggija donna miksongani dongja: CM appeared first on Hub News.