Hambeleleni Daniel
Ovapolifi va fika po117 ova yelayelwa onghela mOshakati moshitukulwa shaShana.
Ovapolifi va djalekwa eembadi ova yelayelwa moilonga paenghatu da yooloka she li kwatelela koilonga nokeenghatu davo.
Ovanambelewa voshikondo sheameno shopolifi ova djalekwa eembadi deenghatu okudja chief inspector, senior inspector, inspector, warrant class one, warrant class two, sergeant class 1 osho yo sergeant class 2.
Omukulunhu wopolifi moshitukulwa shaShana Andreas Shilelo okwa djaleka eembadi: chief inspector umwe, senior inspector nhee, inspector heyali, warrant class one 15, warrant class two 27, sergeant class one 34, noosergeant class two 29.
Pefimbo ta djaleke nokushaluta ovanambelelwa vaye, Shilelo okwa kumaida ovapolifi opo va ude ko tete eenghatu doilonga yavo oyo tava djalekelwa omanguwo nokufimaneka ovo ve na eenghatu di li pombada.
Shilelo okwa kunghilila ovapolifi va kale ve na efimaneko moilonga osho yo kondje yoilonga.
Okwa ti osha fimana okukala veshi enghatu doilonga yavo onga ovapolifi va Namibia.
Omukulunhu wopolifi mOshana okwa holola kutya ovapolifi nava shiive yo eenghatu doilonga moshikondo shopolifi opo va kale veshi kutya otava lopota kulye moilonga.
Okwa ti ovanhu ihava pewa eenghatu doilonga dipe molwa omikalo davo ndele omolwa oilonga yavo nokeendunge davo.
Shilelo okwa twa ovapolifi omukumo opo va twikile okulonga noudiinini opo va shiive oku ya konghatu yashikula ko moilonga.
“Ava ina mu pewa eembandi apa nena i tashi ti ima mu longa nawa ashike olufo leni ta li fiki shito,”
Commissioner okwa holola kutya ava i na va pewa eembadi nava kufe oshiholelwa shiwa kuvakwao opo navo va kale hava longo noudiinini ngaashi vakwao opo olufo ta li ya navo va ha xupe ko.
Shilelo okwe holola kutya okupewa ombandi otashi ti noyuuyemo yoye oya wedelwa.
Okwe va kumaida va longife nawa oimaliwa yavo yo i heva lundulule va ninge ovanhu vai ndele navei longife moinima e i i na oshilonga.
Okwa ti ovapolifi ova fimana moshiwana molwaashi ovo hava ka leke po ombili nelandulafano moshilongo.
Ta ti ngeenge tava yelayelwa ngaha, ohashi vatu omukumo opo va longe nondjungu.
Nalie Johannes umwe womwaava va djalekwa eembadi okwa ti okwa hafa unene molwaashi ka kwali eshi teelela.
Johannes okwa ti ota ka twikila okulonga noudiinini opo aye natango ponghatu ya shikula ko.
-hambelelenindaniel56@gmail.com
The post Ovapolifi 117 va yelayelwa mOshana appeared first on New Era.