Tura, Oct 21 : Meghalaya a·dokni Skotong Minister Conrad. K. Sangma, Chibragre-o donggipa Wangala A·dam-ona re·ange dama bol 1000-ko doke wangalanina tarisamsoani kamrangko nipilangaha.
Ia bilsio Wangala maniani bilsi 50 gapaniko dal·e maniani bak gita, pangna bilsi dama bol 100-ko doke manianiko dama bol 1,000-ona bariataha. Ia manianiara A·chik jatrangni apalbegipa jatni dakbewal rikbewalrangko ripingbaaniko maniengani gimin ian Meghalaya a·dokna mongsongbate A·chik jatrangna dal·a chu·sokani ine Sangma aganangaha. Ia manianiko chu·sokgipa ong·atna gita Wangala Committee aro a·dok sorkari apsan bakrime kamrangko ka·enga ineba ua janapataha.
Wangala Committee-ni gita chu·gimik koros-rangna tangka gong kror 5.5-ko on·china janapataha aro a·dok sorkari ia chu·gimik tangka paisarangko on·a ku·rachake ra·angaha ine Skotong Minister parakataha.
Ia bilsi 50 gapaniko manianiara, A·chik jatrangni dakbewal rikbewalrangko mande ra·an baksana A·chik jatni ong·baaniko mangrakbatatgen aro mikkangchi re·baenggipa chasongrangna ma·gitcham pagitchamrangni namgipa bewalrangko ripinge rakkiangna dakchakgen ineba ua aganangaha.
The post Conrad K. Sangma, Golden Jubilee Wangala Festival-na tarisamsoani kamrangko nipilanga appeared first on Hub News.