ONDANGWA- Oudano wokutondoka ou kwa li wa unganekwa mexuliloshivike kelelo lodoolopa yaNdangwa owa enda nawa.
Ovanhu ve dulife 422 okwa li va kufa ombinga moudano wokutondoka.
Ovaleli vopapolitika osho yo oshiwana sha dja mOndangwa nokondje yodoolopa okwa li sha holoka nehafo linene okuulika ounongo wavo wokulotoka.
Ovanhu ova kufa ombinga moinano ya yooloka, ova pewa eembadi nomakopi.
Omupopiliko welelo lodoolopa yaNdangwa Petrina Shitalangaho- Mutikisha okwa ti elalakano lokuyandja eembadi nomakopi okuxwaxwameka oshiwana opo shi kale shi na ohokwe youdano wokutondoka.
Okwa ti oudano wokutondoka owa fimana okukaleka po olutu lomunhu li na oukolele tashi pitile mokuninga omadewo.
Okwa weda po ta ti elalakano loudano wokutondoka, okuhanganifa oshiwana, okuhafela pamwe tashi pitile moudano.
Okwa ti okwa li va tengeneka omwaalu wovanhu 300 ve li shangife ashike paife owa pitilila.
Okwa ti naashi otashi ulike kutya mboli oshiwana oshina ohokwe youdano wokutondoka.
“Omudo wa dja ko ovanhu ashike kwa li 260 va kufa ombinga moudano ou. Neudo omwaalu owa wedelwa.,” ta ti.
Ovanhu ova lotoka oinano ya yooloka ngaashi 21 KM, oshinano 15, oshinano sho 10KM osho yo oshinano shee 5KM.
-fhamalwa@nepc.com.na
The post Oudano wokutondoka wa ende nawa mexuliloshivike kOndangwa appeared first on New Era.