Shillong, Risaw 13 : U Myntri Rangbah Conrad K Sangma ha ka sngi Ba-ar ula iathuh ba ka pilot project ban khang dam ia ki par dewiong ha Jylla ka dang iaid ha ka jingpynkhreh bad la khmih lynti shen ban ioh ia ka jingbit.
“Nga kwah ban pynthikna ïa baroh ba ka kam ban khang ïa ki par dewïong, tang ka jingker ka lah ban nym dei hynrei ka jingkhang ïa ki par hi, ka pilot project ka dang ïaid ha ka jingpynkhreh. Ngi khmih lynti ba shen ngin sa ïoh ïa ki jingbit kiba donkam bad ngin lah ban bteng ïa ka kam kham kloi,” ong u Conrad.
Ula pyntip ia kane haba jubab ia ka jingkylli halor ka interim report ba dang shen kaba la aiti da u Justice BP Katakey halor ka kam tih dewiong.
U Myntri Rangbah, ula pyntip ba un dang ban shong bishar ia kane ka kaiphod u Katakey.
“Ngam tip bha halor kane ka kaiphod bad kam dei ia nga ban jubab ia ka, lehse ngan sa jubab ha kawei ka por ynda nga la ioh ia ka jingtip ba kham bniah halor ka kaiphod” ula ong.
Halor ka jingpyndonkam ia ka pisa, u Conrad ula iathuh ba ki kam hapoh ka Meghalaya Environment Protection and Restoration Fund (MEPRF) kila iaid, hynrei ki lynti pyntreikam bala buh da ka Sorkar Pdeng bad ka Iingkashari kila nang pynkyllain ia ka kam.
“Ka rukom pyndonkam ïa ka pisa lyngba ka MEPRF ka dang ïaid shakhmat, hynrei ka Sorkar India bad ka ïingbishar ki la buh ïa ki katto katne ki kyndon bad ki rukom treikam kiba ngi hap ban bud shwa ban pyndonkam ïa katei ka pisa. Kane ka la pynlong ïa ka kam kaba kham kyllain khyndiat ïa ngi,” u la ong.
Haba kylli shaphang ka 13 lak metric tonne u dewïong kba la kdew hapoh ka kaiphod, u Myntri Rangbah u la ong ba u donkam ban ïoh shuh shuh ïa ki jingtip shwa ban jubab bniah.
“Ban jubab kyrpang halor ka jingkylli jong phi shaphang ka 13 lak metric tonne dewïong, nga donkam ban ïoh shuh shuh ïa ki jingtip bad ki data,” u la ong.
Pule ruh : Mynjur ka Sorkar ia ka MSME Facilitation Ordinance ban pynsuk ia ka nongsengkam lajong
Peit ruh
Wad ia ki khubor ba dang shu jia na man ki jaka kyndong ka thain Shatei Lam Mihngi ha hubnetwork.in, ka tyllong khubor online jong phi ban lap ia man ki khubor ba dang jia, ki jingring durkhih.
Bud ruh ia ki ha ka
Twitter – twitter.com/nemediahub
Youtube channel – www.youtube.com/@NortheastMediaHub2020
Instagram – www.instagram.com/ne_media_hub
Download ia ka app jong ngi na playstore – Northeast Media Hub
The post Dang pynkhreh ia ka project ban khang dam ia ki par dewiong : ong u CM halor ka kaiphod Katakey appeared first on Hub News.