Hambeleleni Daniel
Opolifi otai pula oshiwana shi yandje ouyelele kombinga yolutu lomunhu olo le li tuwa koDaan Viljoen moWindhoek Omaandaxa oshivike sha dja ko.
Opolifi otai pula yo ovanhu koohandimwe ngeenge ope na ou a mona po sha kombinga yoshiningwanima eshi opo a lopotele opolifi keshe ili popepi naye.
Onghundana e i oya kolekwa kOmupopiliko wopolifi Deputy Commissioner Kauna Shikwambi oye a ninga eindilo eli.
Shelikwatelela komushangwa wa pitifwa komupopiliko wopolifi oshiningwanima eshi osha osha lopotwa mEtine sha landula eshi omakipa eli tuwa kovakwashiwana omanga kwa li tava ende komunghulo womulonga.
Otaku hokololwa kutya mokushi mona Omukwashiwana okwa dengele opolifi yaOtjomuise.
Otaku hokololwa kutya ovakwashiwana ovo ve li twa olutu, ova shiivifila opolifi meendelelo konima yokumona olutu.
Shikwambi okwa indila kovakwashiwana ngeenge ope na ou a mona sha ile a uda sha momundingonoko wa Daan Vilijoen, mOtjomuise, osho yo molukanda la Khomasdal opo a twale ouyelele oo ena po opo a kwafele ovakonakoni.
“Olutu lanakufya ola twalwa konhele yomakonakono oko opolifi ika konakone oshi etifi shefyo lomukainhu ou,” Shikwambi ta ti.
Okwa ti ouyelele umwe ita dulu okuuholola manga pamhito e i molwaashi omakonakono opolifi opo taa ningwa nouyelele uhapu otau dulu oku eta edundakano noku ya oilonga yomakonakono moshipala.
Opolifi natango oya kunghilila oshiwana opo shi li vangeke okutandaveleka oipupulu unene tuu komalungula.
Keshe ou e na ouyelele moshikumhungu eshi ota dulu okukwatafana nopolifi kongodi 081 1299215 ilo 0813052897.
Oshiwana otashi indilwa yo shi kwatafane nopolifi poitaasi yopolifi kombinga yoshiningwanima eshi.
-hambelelenindaniel56@gmail.com
The post Olutu lomukainhu le li tuwa koDaan Viljoen appeared first on New Era.