NGH-o SIR dakani 100% chu·sokaha: ECI

Date:

Share post:

RESUBELPARA: Election Commission of India (ECI) ni Special Intensive Revision (SIR) dakenganio songsalo darang mande ko watchanggalgija Electoral Roll-o bimung segatna man·na gita cholrangko on·anggen ine (ECI) u·iatangaha. ECI-ni press note No. ECI/PN/120/2026 (September 26, 2026)-o ge·etanio parakatani gitade, unmapped ba discrepancies-ni gimin notice man·gimin voter-rangni dongchakramona Booth Level Officer (BLO)-rang re·roroe nanggipa lekka-pancharangko am·chimonggen. BLO-rang ia nanggipa lekkarangko nokantiona re·roroe nirikkianiko dakani somoion nanggipa lekkarangko Electoral Registration Officer (ERO)ni nangnika gita ECINet-o upload ka·joljole kamrangko jolan matchotatna ja·ku de·anggen ine talatangaha.
Ia gital niamrangni bidingo, u·iataniko man·gimin voter-rang Hearing on·na gita da·ode ERO1 ba AERO office-ona re·angna nangjawaha.
Hearing on·na nanggiparang choljokteljaode ERO ni ge·etaniko man·e online gita Hearing on·na man·gen, ba Hearing on·na nanggipa voter choljokjae an·tangari hearing na dongna man·jaode nokdangni brigimin mande uani biapo nanggipa lekkarangkjo baksa mikkang paena man·skagen. Iana agreba kangal-cholgri, nokgri-jamgrigiparangna, aro tangka-paisani gita neng·nikaniko man·giparangna dingtangmancha Help Desk ko dona baksana Camp ko a·bachengate dakchakaniko on·china (ECI), District Election Officer (DEO) na ge·etaniko on·angkuaha.
Indake ong·engon North Garo Hills-o SIR 2026 na kam ka·anirang October 16 sal dipet 100% chu·sokna man·aha ine North Garo Hills a·jani District Election Officer (DEO) Smt. M.S.N. Marak, IAS parakaha.