Omukulupe weedula 60 o u vati a kwata omunafikola weedula 15 onghonga ndele te mu hekele oN$50, okwa nyenwa omhito yokulifutila mo modolongo.
Okwa holoka momhangu yamengestrata waMuthiya, Omaandaxa.
Oshibofa shaye osha undulilwa komafiku 24 Februali 2027, nelalakano lokuninga omakonakono omoule. Ota pangulilwa oshibofa shekwatonghonga.
Oshiningwanima osha ningwa neudo omwedi wa dja ko keumbo lomukulupe o u komukunda Omuxulu moshitukulwa shaShikoto. Oshibofa opo ashike sha lopotwa oshivike sha dja ko ndele omukulupe ou ta kwatwa po. Omukulunhu wopolifi moshitukulwa shaShikoto Commissioner Ndafudha Iifo okwa koleka onghundana e i.
Opolifi oya hokolola tai ti omukulupe o u okwa lefwa kokakadona aka okudja kodoolopa yaMuthiya ndele ta ka twalele.
Otaku hokololwa kutya omukulupe ohava di pomukunda umwe nokakadona aka.
Vati omukulupe o u peumbo omo ha mu di okaana aka okwa pitila po ndele tai nomunafikola keumbo laye.
Okwe ka hekela oN$50 ndele te mu longele omunyonena wopaixulo.
Opolifi oya ti okwa didilikwa oibofa yomakwatonghonga hai lopotwa kwa lata osho shi li unene ha shi ningi oilonga yopolifi idjuu okuninga omakonakono.
Efimbo keshe oshiwana otashi kumaidwa opo shi lopote oibofa yomakwatonghonga pefimbo molwaashi eshi otashi pitike opolifi i ninge omakonakono omeendelelo.
Opolifi oya ti osha fimana ngeenge omunhu a kwatwa onghonga a kale a twalwa koshipangelo diva nelalakano lokupewa ouhaku wemeendelelo.
Ovadali onghee ngaa tava kumaidwa opo alushe va kale va kotokela ounona vavo ngeenge tava di mo momaumbo molwaashi ounona paife ova ninga oihakanwa yokukwatwa keenghono kovapambele ile kovashiinda vavo. -fhamalwa@nepc.com.na
The post Omukulupe a kwata omunafikola onghonga ina pewa elifutilemo appeared first on New Era.