Sakraba, Oct 18: Sonibar salo, Naga National Martyrs Day-ko maniani bak gita Naga National Council/Federal Government of Nagaland (NNC/FGN)-ni Seceku Sub-Region, Indo-Naga War Cemetery-ko Nagaland a·dokni Sakraba-o donggipa Wuza-o kulia.
Indo-Naga War ba dinggrikanio, an·tangtangni janggirangko gimaatna nanggipa manderangko gisik ra·na gita ia cemetery ba gopramko kuliaha.
Naga National Martyrs’ Day-ko bilsiantian October-ni 18 tariko, Naga national movement-o sianggipa manderangko gisik ra·e mande ra·pilskaaniko on·na gita manirongenga aro ia salko maniani bak gita ia Indo-Naga War Cemetery-koba kuliaha. Ia salko Nagarang, Jotsoma songni Zasibito Nagi-ko, Naga a·songna dinggrikanio so·ota man·chenggipa ine gisik ra·e manironga.
Naga dolrangni see rakkiani gitade, Zasibito Nagi-ko 1952 bilsini October 18 tariko, Kohima songjijnmao jingjengatengmiting somoio goaha. Ua somoio, Naga chadambe saksako Dimapur-ni police ning·o donengmiting somoio sasti on·e roahani gimin Nagarang, jegalanirangko dakengachim indiba police-ni goanio, Nagi saknaaniko man·e ja·mano siangna nangaha aro ia salko da·alonan Nagarang, Naga National Martyrs Day ine gisik ra·e manikuenga.
The post N’land-o Indo-Naga War Cemetery-ko kulia appeared first on Hub News.