ДУШАНБЕ, 18.10.2026 /АМИТ «Ховар»/. Сарвазири Шурои давлатии Ҷумҳурии Мардумии Чин Ли Сян бо сафари расмӣ ба Ҷумҳурии Тоҷикистон ташриф овард, хабар медиҳад мухбири АМИТ «Ховар».
Дар Фурудгоҳи байналмилалии Душанбе Сарвазири Шурои давлатии Ҷумҳурии Мардумии Чин Ли Сянро Сарвазири Ҷумҳурии Тоҷикистон Қоҳир Расулзода ва дигар шахсони расмӣ истиқбол гирифтанд.
Ба ифтихори ташрифи меҳмони олиқадр парчамҳои Тоҷикистон ва Чин барафрохта шуда, инчунин қаровули фахрӣ ва оркестри асбобҳои нафасӣ саф ороста буданд.
Маросими истиқбол бо гузориши командири қаровули фахрӣ, садо додани сурудҳои миллии ду кишвар, гузаштан аз назди сафи қаровули фахрӣ, арзи эҳтироми меҳмони олимақом ба Парчами давлатии Тоҷикистон, гузашти мутантани ҷузъу томҳои қаровули фахрӣ ва шиносоӣ бо ҳайатҳои расмии ду ҷониб анҷом ёфт.
Ёдовар мешавем, дар доираи сафари расмӣ Сарвазири Шурои давлатии Ҷумҳурии Мардумии Чин Ли Сян дар ҷаласаи Шурои сарони ҳукуматҳо (сарвазирон)-и давлатҳои аъзои Созмони ҳамкории Шанхай, ки 20 октябр дар шаҳри Душанбе доир мегардад, иштирок менамояд.
АКС: АМИТ «Ховар»
Октябрь 18, 2026 12:45
