Soomaaliya oo cambaaraysay weerar lagu qaaday kaniisad ku taalla dalka Urdun

Dowladda Federaalka Soomaaliya ayaa si adag u cambaaraysay weerar argagixiso oo lagu qaaday kaniisad ku taalla Gobolka Karak ee dalka Urdun, kaas oo sababay dhimasho iyo dhaawac soo gaaray dad rayid ah oo goobta ku sugnaa.

Warsaxaafadeed ka soo baxay Wasaaradda Arrimaha Dibadda iyo Iskaashiga Caalamiga ah ee Soomaaliya, kuna taariikhaysnaa 24-ka Oktoobar 2026, ayaa lagu sheegay in dowladda Soomaaliya ay ka xun tahay weerarka lagu qaaday goob cibaado oo ay bulshadu isugu timaaddo.

Dowladdu waxay sheegtay in goobaha cibaadada iyo meelaha ay bulshadu isugu timaaddo ay tahay in la dhowro lana ilaaliyo, iyadoo adkaysay muhiimadda ay leedahay badbaadinta dadka rayidka ah iyo sugidda amniga goobahaas.

”Dowladda Federaalka Soomaaliya waxay si adag u cambaareyneysaa weerarkii argagixiso ee lagu qaaday kaniisad ku taalla Gobolka Karak, dalka Urdun ee Boqortooyada Haashimiyiinta, weerarkaasi oo sababay dhimasho iyo dhaawac soo gaaray dad rayid ah oo si nabad ah ugu sugnaa goobtaasi.Goobaha nuucaani ahi ee ee bulshada iskugu timaado, waana in la dhowraa lana ilaaliyaa”, Ayaa lagu yiri bayaanka.