Gangtok, Oct 19 : Dushyant Kumar Gautam, Gangtok-ni Lok Bhawan-o Sikkim a·dokni 19-gipa Governor ong·e Robibar salo ku·mikchetangaha. Skotong Minister Prem Singh Tamang, Sikkim Legislative Assembly-ni Speaker, Sikkim High Court-ni judge-rang, Minister-rang, MLA-rang, Darjeeling-ni MP Raju Bista baksana gipin official-rangni dongpaanio aro Sikkim High Court Chief Justice A. Muhamed Mustaque-ni nirokanio ia ku·mikchetaniko dakangaha.
Chief Secretary R. Telang, Gautam-ko Governor-na seoka man·gipa ine mesoke on·enba President-ni official order-ko poraiataha. India-ni President Droupadi Murmu, Om Prakash Mathur-ni palo 2026 bilsini October 12 tariko Gautam-ko Governor-na seokangaha. Ia ku·mikchetani salko maniani bak gita Sikkim Armed Police una Guard of Honour-ko on·angaha.
