Shillong, Oct 13: Meghalaya Education Department, 2024 bilsini January aro February jani bangki dongkuenggipa Dearness Allowance (DA)-rangko 43% matchotataha ine pilak Deficit School-ni skigiparangna u·iataha. Joint Secretary D. Lyngdoh, Department uamangni bangki dongkuenggipa 2025 bilsini July jao 51% aro 2026 bilsini January jao 53% bariatgimin DA-rangko Puja chutti-na skang watatna kamrangko ka·enga ine aganangaha.
Uasan ong·aigija, skigiparangni Centralised Provident Fund (CPF), kamoni neng·taka ja·man tangka man·ani, skigiparangko Board of Trustee-ni member dakatani aro bangbang ong·e dongenggipa skigiparangni post-rangni bidingo sing·anirangna Department-ni gita aganchakaniko on·angaha.
State Bank of India (SBI)-o account donggiparangde Permanent Retirement Account Number (PRAN)-na dorgasto-ko on·a man·gen jedakode uamangni Centralised Provident Fund (CPF)-ni tangkarangko chipatna gita man·gen. Una agreba, gipin skigiparangni case-rangko da·oba nianirangko dakengkua.
A·dok sorkari, Khasi Jaintia Deficit School Teachers’ Association (KJDSTA) aro Garo Hills Deficit School Teachers and Employees Association (GHDSTEA)-ko uamangni jingjengatna miksonganiko dontongatchina aro uamangni neng·nikani bidingo sorkari baksa chanchirimaniko dakchina didiataha. Skigiparangni bilsi bon·achibara ia jingjengataniko dakaniara chatro chatrirangni poraianiko nangchakeatnaba donga ineba Education Department u·iataha.
Na·simang iakoba nina man·gen:
Na·simang iakoba poraina man·gen: Meghalaya School Education School Complex Rules 2026-ko Cabinet ra•chaka
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
The post M’laya sorkari 43% DA-rangko on·ataha, bangki dongkuenggiparangko Puja-na skang on·gen appeared first on Hub News.