Shillong, Risaw 17: U Myntri Rangbah ka Jylla u Conrad K Sangma, hynne ka sngi Saitjain ula ai khublei ia ka Mawkyllei College halor ka jingdap 15 snem ha kaban ai jingshakri ia ki samla ka thaiñ ha ka pule puthi.
Haba kren ha ka jingialang kaba la pynlong ha Madan Dorbar Lyngdoh Nonglait, West Khasi Hills, u Conrad K Sangma, ula ai khublei ia ka college halor ka jingdap 15 snem ka jong ka bad ka ong, ba kadei ruh ka sngi ban ithuh ia ki briew kiba la seng ia ka college, ka imlang sahlang kaba la pynneh pynsah ia ka, ki nonghikai kiba la pyniaid shakhmat ia ka pule puthi bad ki samla pule bad ki bahaiing bahasem kiba la ai ka jingshaniah ha ki.
Haba kynmaw ia ki jingnoh synniang jong u (Late) Hopingstone Lyngdoh ula ong “Ha kane ka sngi nga pynpaw ka jingsngewnguh bad ai burom ia u Bah Hopingstone Lyngdoh u nongseng bad nongsaindur bad u nongialam ba khraw ka Jylla” bad ula pynkynmaw ruh ia ka jingiajan hapdeng u Bah Hopingstone Lyngdoh bad u (Late) P.A Sangma bad ka iing ka sem.
Halor ka puthi puthi, u Myntri Rangbah ula ong, ka bynta kaba long kongsan bha ia kano kano ka sorkar, ia kaba ka imlang sahlang bad ka ri kin ym lah ban kiew shaphrang sted bad ka ong, ba ka pule puthi kadei kaba khlain bor tam ban wanrah ia ka jingkylla ha ka imlang sahlang.
“Ia ngi kum ka sorkar, ka pule puthi kadei kaba ngi buh hakhmat eh” ula ong bad ka iathuh ruh ia ki bynta jong ka jingwanrah ia ki jingkylla ha ka pule puthi ha ka jylla naduh u snem 2018 ha kaba la mang bun ia bhah tyngka, ka jingbha ha ka jingpass bha ki khynnah ha ki Board Examination, ka jingbha ha ka kyrdan jong ka PGI, ka jingseng ia ki College bad ki jaka pule ha ka kyrdan Higher and Technical, jingpynbha, jingshna pynbha shuh bad ka jingtei thymmai ia ki iingskul bad kiwei kiwei.
“Ka pule puthi kala iohi ia ka jingkylla bad ngi lah iaid ha ka lynti kaba dei hynrei ka lynti iaid ka jong kadei kaba dang slem pat ban pyndep, ha kaba bun kiei kiei kidei kiba dang hap ban leh halor kane ka bynta” ula bynrap.
Da kaba pynpaw ba ka pule puthi kam long kaba suk bad ka don bun ki jingeh bad ula kyntu ia ka jingkyrshan jong baroh bad ban iatreilang. Ula pyntip ba kadei ka sienjam jong ka sorkar ban pynbiang ia ki kabu ha ka jingpule bad ki lad wat ha ki thain nongkyndong. Ula pyntip ba ka sorkar kala kyrshan ia kiba bun tylli ki skul bad college bad ka dang trei bad iaid ha ka polisi ban kyrshan ia ki skul bad ki college kiba leh bha bad kaba ai ia kiba bun ki lad ia ki samla pule.
U Myntri Rangbah ula pynbna ia ban ia ia ka Grant T.25 lak na ka Chief Minister’s Special Grant ia ka college bad sa T.5 lak ia ki samla pule ka college ban thied ia ki tiar tem bad ia ki tiar ialehkai na ka bynta ka college.
Haba pynkut u Myntri Rangbah ula ong, “Ha ka jingiaid ha ki snem banyngkong jong ki 15 snem kala pyniar ia ka lad sha ka Higher Education bad la buh ruh ia u mawnongrim uba khlain na ka bynta ka imlang sahlang. Ki wat kiban dang wan kadei ban tei ia ka jingiaid shakhmat ban pynkhlain ia ka rukom ai jinghikai, ban btin ia ki samla pule ha ka rukom kaba kham bha shuh shuh bad ban pynkhreh ia ki na ka bynta ki jingpule ha ki kyrdan kiba shajrong, ka iohkam iohjam bad ka jingshakri ia ka imlang sahlang”.
Ia ka Mawkyllei College la seng ha ka 6 tarik u Jylliew 2011 hadien ba ka shnong Mawkyllei kala ithuh ia kiba bun ki samla pule kiba la pyndep ia ka jingpule ha ka Klas XII kila shem jingeh ban bteng ia ka jingpule ka jongki ban leit sha kiwei pat ki shnong bad kan kynthup ruh ia ka jinglut kaba bun bha. La shim ia ka sienjam lyngba ka jingshim jingkitkhlieh jong ka shnong bad lyngba ka jingkyrshan kaba radbah na u (Late) Hopingstone Lyngdoh.
Ka college kala nang roi ban shakri ia palat 150 ngut ki samla pule, kyrshan da 18 ngut ki nonghikai bad ki bym hikai, kaba pyni ia ka jingiaid shaphrang jong ka jaka pule kaba la seng da ka sienjam kaba la shim da ka shnong. Kane ka college ka mihkhmat palat ban ia ka shnong hi baroh kawei. Da kaba wanrah ia ka Higher Education kham jan sha ki iing, kala lah ban pynurlong ia ka jingangnud jong ki samla kane ka thain ban bteng ia ka jingpule ka jongki hadien ba kila pyndep ia ka Klas XII.
Ha kane ka jingialang la iadonlang u MLA ka Mawthadraishan u Bah Shakliar Warjri kum u symbud Kongsan.
Pule ruh : Pynbna shuti ka Sorkar ha ka 2 tarik Naiwieng
Peit ruh
Wad ia ki khubor ba dang shu jia na man ki jaka kyndong ka thain Shatei Lam Mihngi ha hubnetwork.in, ka tyllong khubor online jong phi ban lap ia man ki khubor ba dang jia, ki jingring durkhih.
Bud ruh ia ki ha ka
Twitter – twitter.com/nemediahub
Youtube channel – www.youtube.com/@NortheastMediaHub2020
Instagram – www.instagram.com/ne_media_hub
Download ia ka app jong ngi na playstore – Northeast Media Hub
The post Ïashimbynta u Myntri Rangbah ha ka jingrakhe dap 15 snem ka Mawkyllei College appeared first on Hub News.