Tura, Oct 15: Garo Hills Autonomous District Council (GHADC)-ni election-ko ong•atninggija, Council-ni term-ko ra•dodapanina jegale Nokma Sani Union, October-ni 16 tariko, New Tura Field-o jinma tom•bimonganiko ong•atengoba, ia tom•bimonganio Council of Nokmas ba Nokma Council-de bak ra•jaenga ine parakataha.
Nokma Sani Union-ni ong•atenggipa tom•bimonganio bak ra•jaenga ine Garo Hills gimikni Nokmarangna u•iataniko on•angengon, GHADC-ni gitcham Chief Executive Membor (CEM) Kurendro D Shira sagini somoioba, maiba a•selrangchi GHADC election-ko ong•atna man•jae, Council-ni term-ko bilsisana ra•dodapaha aro gitcham CEM Alphonse A Sangma-ni somoioba, GHADC-ni term-ko bilsisa jachetna ra•dodapahani gimin da•o GHADC-ni election-ko ong•atna man•jae, Council-ni term-ko ra•dodapaniara skanggipa changna dakenga ong•ja ine Nokma Council-ni president parakataha.
GHADC election-ko ong•atna man•ningjani a•sel Council-ni term-ko ra•dodapna nangani da•o ian GHADC-ni itihaso gittamgipa chang ong•engaha ine talataniko on•angengon, batanggimin somoirangoba, maiba neng•nikani ba cholrang dongjani giminsa election-ko ra•dona nangaha aro da•o CEM Dhormonath Ch Sangma-ni somoioba, election-ko ong•atna cholrang dongjani giminsa Council-ni term-ko ra•dodapna nangahani gimin iano A•king Nokmarangnade maming nangchakeani dongna nangja ine Nokma Council-ni president parakataha.
“Uni gimin Nokma Council-de, jegale tom•bimonganiko ong•atani salo bak ra•jawa,” ine Nokma Council-ni president, Garo Hills-ni pilak A•king Nokmarangna parakataha.
Na·simang iakoba nina man·gen:
Na·simang iakoba poraina man·gen: Boko PHC-o sagiparangko simsakja ine Bir Lachit Sena matnanga
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
The post Nokma Sani Union-ni tom•bimonganio Nokma Council bak ra•jaenga appeared first on Hub News.