Ri-Bhoi, Oct 15: University of Science and Technology Meghalaya (USTM)-ni Chancellor Mahbubul Hoque, Rimchi Sangma-na chu·gimik indin poraianiko on·a ku·chake ra·angaha. Rimchi Sangma, Meghalaya a·dokni teng·subaenggipa Pencak Silat athlete ong·a jean 2026 bilsini December 5 tarikoni 12 tarikona Uzbekistan-ni Tashkent-o World Pencak Silat Championship-ko ong·atanio India-ni palo susaaniko dakanggen.
Hoque, Rimchi-na USTM-oni gipin dakchakanirang aro chakpaanirangko on·gen ine ka·dongataniko on·angan baksana Internatinal Championship-na uni nama skanikoba on·ataha. Ia ja·ku de·ani miksonganiara uni kal·susaanina re·mikkanganio poraiani korosrangna jajrengani gri uni poraianiko dakangkuna dakchakaniko on·anian ong·a.
Hoque, USTM-ona Rimchi-ni re·angani somoio uko aro uni nokdangni manderang baksana martial arts coach-ko ka·sae sokachaksoaha aro uni re·mikkanganio uamangni gamchatgipa dakchakaniko on·ani bidingoba ua aganangaha. University-o poraienggipa Meghalaya a·dokni A·chik aro Khasi chatro chatrirangba uko gronge uni re·baenggipa Championship-na nama skaniko on·angtokaha.
Rimchi, kobor ta·timgiparang baksa agangrikengon, ua Hub News aro a·gipibatgipa kobor ra·timgipa Vishma-ko uni chu·sokanirangko songbad-rango seate jinmaona ra·bahani gimin uamangko de·mitelataha. Uni chu·sokanirang aro neng·nikanirangko chagrongani koborrangko songbad-rang aro social media-rango gatatani a·sel dingtang dingtang manderangoniko una bang·a dakchakani aro chakpaanirangko ra·bana dakchakaha ine ua aganangaha.
USTM-ni uni poraianina dakchakaniko on·a on·kangani aro una nama skaniko on·giparangni didiani baksa, Rimchi an·tangni poraiani baksa December jao ong·atna sienggipa International Championship-o India-ni palo susana gita tarisamsoenga.
Na·simang iakoba nina man·gen:
Na·simang iakoba poraina man·gen: Tura-o World No Tobacco Day-ko ong•ata
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
The post USTM-ni Chancellor, World Championship susanagipa Rimchi Sangma-na indin poraiani aro gipin dakchakaniko on·a ku·chaka appeared first on Hub News.