Omulumenhu umwe womovalumenhu vavali ovo va fya omeva mOrange River koNoordoewer oshivike sha dja ko natango ina monika, omanga olutu etivali natango inali etwa koNamibia okudja koSouth Africa.
Komufala wopolifi koshitopolwahoololo sha||Kharas Marius Katamila okwa lombwela oThe Namibian kutya olutu laEugen Mbereshu inali monika natango, omanga laHausiku Shikukutu la hangika kombinga yomulonga moSouth Africa.
Okwa ti omalutu oveta omondjila aa shiivifilwa nomalongekido okweeta olutu laShikukutu koNamibia oku li metifa.
Ovalumenhu ava vati ova fya omeva manga kwa li tava tauluka omulonga nokawato va yuka koSouth Africa ndele tave lidenge mopolifi yaSouth Africa, tava kendabala va faduke po.
Omulumenhu omutitatu okwa xupa.
Katamila okwa ti omitoto da kundukida oshiningwanima eshi moshiwana oda eta oikolokosha.
Okwa ti omulumenhu ou a xupa moshiningwanima omu okwa dengwa kovakwapata vanakufya.
“Oshiwana osha teyaula nomaliko epangelo pefimbo loikolokosha ei,” Katamila ta ti.
Okwa ti ita dulu okukoleka omapopyo oshiwana, ta weda po kutya kapu na nande oshipofa shomadipayo oupule sha lopotwa kuye moule womwedi oo a ninga moshitopolwahoololo.
Ovakalimo vati ova ninga omunyanyo va yuka keumbo lomunangeshefa umwe, tava pula omanyamukulo.
Oshinima eshi osha landula omanyenyeto oshiwana kombinga yomafyo aa notashi pula omanyamukulo koveta.
Katamila okwa ti olukongo lolutu laMbereshu otali twikile, omanga omalutu oveta omondjila a shiivifilwa kombinga yomulandu wokueta olutu laShikukutu keumbo okudja koSouth Africa.
The post Omulumnehu umwe a fya omeva koNoordoewer natango ina monika appeared first on The Namibian.