22 oktyabr 2026 10:00 (UTC +04:00)
Bakıda “Rəqəmsal Maliyyə Ekosistemi: İdarəetmədə Yeni Mərhələ” mövzusunda konfrans keçirilir.
“APA-Economics” xəbər verir ki, tədbir Maliyyə Nazirliyi yanında İctimai Şuranın təşkilatçılığı və Azərbaycan Peşəkar Maliyyə Menecerləri Assosiasiyasının (APFM) rəsmi tərəfdaşlığı ilə Bakı Konqres Mərkəzində təşkil olunub.
Konfransda dövlət maliyyəsinin rəqəmsallaşdırılması, büdcə və xəzinədarlıq proseslərinin inteqrasiyası, süni intellektin tətbiqi, vergi inzibatçılığında rəqəmsal transformasiya və ödəniş sistemlərinin inkişafı məsələləri müzakirə olunur.
Həmçinin nəticəəsaslı büdcə siyasətinə keçid, dövlət satınalmalarında şəffaflığın artırılması, məlumat əsaslı audit və maliyyə monitorinqində risklərin erkən aşkarlanması mövzuları diqqət mərkəzindədir.
