Tura, Oct 16: Garo Hills Autonomous District Council (GHADC) election-o susana gita Scheduled Tribe (ST) Certificate-ko nangtelgipa ong•atna aro Separate Electoral Roll (SER) ba dingtang electoral roll-ko tarichina dabianirang chu•sokgipa ong•ahani gimin Sukrobar salo, Garo Hills-ni dingtang dingtang dolrang, Nangrimgimin A•chik Dol (NAD)-ni bimingo, New Tura-ni Matchakolgre LP skul kal•chakramo jinma tom•bimonge, re•jomanikoba ong•atangaha.
Ia tom•bimonge re•jomaniko ong•atanio Garo Hills-ni dingtang dingtang dolrang, jekai GSMC, AIGU, DINDAM, ADIL, ACHIK, GES, NGCO, ANYO, CSAWO, AAYF, AGTHEA, GOERA, GSU aro uandakgipa dolrang bak ra•angtokaha.
Ia tom•bimonganio dingtang dingtang dolni dilgiparang aganprakangtokengon, GHADC election-o susagiparang ST certificate dongtelna nanga aro dingtang electoral roll-ko tarina niamko ra•gatchina dabianio, jail-o donako man•gipa dingtang dingtang dolni dilgiparangna mande ra•pilskaaniko dakangenba, ia dabianirang chu•sokgipa ong•ahani gimin Garo Hills gimikni manderangkoba mittelpilangtokaha.
GHADC-ni election-ko ong•atninggija Council-ni term-ko ra•dodaproroengani giminba ia tom•anio dingtang dingtang dolrang, sorkariko raken jegalangtokaha aro re•baenggipa bilsini January 20 tarikni ja•man jinma tom•bimonganiko ong•ate, GHADC election-ko ta•raken ong•atchina dabianggen ine tik ka•e donangaha.
Bilsiantian October-ni 16 tarikko ‘A•chik Jatni Mikgaoani Sal’ ine gisik ra•e manina gitaba ia tom•anio Garo Hills-ni dingtang dingtang dolrang tik ka•e donangaha.
Jinma re•jomaniko, Matchakolgre LP skul kal•chakramoni a•bachengataha aro Araimile, Hawakhana, DC Office, Tura Bazar, Hawakhana gita re•jomange, apsan biapon matchotateaha. Ia re•jomanio dingtang dingtang dolrang, bang•bea gari gorarangko ra•e bak ra•angtokaha.
Na·simang iakoba nina man·gen:
Na·simang iakoba poraina man·gen: Shillong Lajong FC, Governor’s Gold Cup Title-na susaaniko dakanggen
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
The post GHADC-na dabianirang chu•sokgipa ong•anina GH-ni dingtang dingtang dolrang tom•e re•joma appeared first on Hub News.