Վարչապետ Նիկոլ Փաշինյանն աշխատանքից ազատել է պետական արարողակարգի ծառայության պետ Գագիկ Վանոյանին:
Փաշինյանը բոլորովին վերջերս՝ օգոստոսի 28-ին էր վերանշանակել Վանոյանին այդ պաշտոնում: Ծառայության պետի պաշտոնում նա նշանակվել էր մոտ չորս տարի առաջ՝ 2022 թվականի դեկտեմբերին:
2 օր առաջ՝ հոկտեմբերի 17-ին վարչապետ Նիկոլ Փաշինյանն ընդունել էր պաշտոնական այցով Երևան ժամանած Ղրղզստանի նախագահ Սադիր Ժապարովին ու իր ելույթում նրան սխալմամբ անվանել Ղազախստանի նախագահ:
«Նախ և առաջ ցանկանում եմ կրկին ողջունել Ղազախստանի նախագահ Սադիր Ժապարովին Հայաստանում»,- թղթից կարդալիս ասել էր Փաշինյանը:
«Ազատությանն» առայժմ չի հաջողվել պաշտոնապես ճշտել՝ արդյոք Վանոյանի պաշտոնանկության պատճառը վարչապետի այս սխալն է: