Imphal, Oct 20: Manipur a·dokni Imphal East a·jao mande sakgittamko so·otani ja·man obostarangko nipilna gita pilak party-rangni tom·aniko ong·atchina, Manipur a·dokni gitcham Chief Minister Okram Ibobi Singh-ni dilanichi INDIA block-ni dilgiparang Mongolbar salo, Manipur a·dokni Chief Minister Yumnam Khemchand Singh-ko gronge didiangaha aro ua uamangni dabianirangko niatna ku·rachakaniko on·angaha.
Ia tom·aniko, Babupara-o donggipa Chief Minister-ni Secretariat-o ong·ataha aro ia tom·anio opposition dolni dilgiparang, Nongshum-o silchidare kegipa manderangni, sakgittam ramram manderango goe galahani gimin suk ong·gijaniko parakangtokaha.
Manipur a·dokni Chief Minister-ko grongeanio gitcham Chief Minister Okram Ibobi Singh baksana Congress Legislature Party (CLP)-ni dilgipa K Meghachandra Singh, Lok Sabha MP Angomcha Bimol Akoijam, aro INDIA bloc-o bakrimenggipa dingtang dingtang political party-ni dilgiparangba dongpaaha.
The post Manipur-o mande sakgittamko so·otani ja·man pilak party-rangni tom·aniko ong·atchina INDIA bloc dabia appeared first on Hub News.