SHILLONG: Meghalaya-ni Assembly Speaker Thomas A. Sangma, mnisal Sukrobar salo United Democratic Party (UDP)-oni National People’s Party (NPP)-ona napanggipa sakgittam legislator-rangn NPP-o bakrimeaniko ra·chakangaha. Indake da·ode sak 60 memborrangni Assembly-o UDP-ni saksamangmang legislator dongaijok.
Paul Lyngdoh, Renikton Lyngdoh Tongkhar aro Nujorki Sungoh- uamangni NPP-o bakrimeaniko India-ni Constitution-ni Tenth Schedule- Paragraph 4-o pangchake Speaker-ni ra·chakanganiko Assembly Secretariat koborna u·iataha.
Iana skang UDP-ni sak 8 legislator-rang October 16 tariko BJP-o napangtokaha.
Assembly Secretariat-ni on·gipa order ba ge·etanio janapani gita, October 17 tariko UDP-oni sakgittam legislator-rang Meghalaya Legislative Assembly-o NPP baksa bakrimna tik ka·aniko Speaker-na lekka see on·aha.
Indake October 19 tariko ua chittiko Speaker-ni mikkango donaha, uni ja·man sakgittam legislator-rangko an·tangtangni kattarangko mikkang parake donchina ge·etaha. Apsan salo legislator-rang Speaker-na mikkang pa·e NPP baksa bakrimna tik ka·aniko parakaha.
Indake mamlako niangani ja·man aro legislator-rang an·tangtangan namnike darangni draatako man·gija NPP-o bakriman sikaniko parakaha ine nike Speaker, uamangni NPP- o bakrimna tik ka·aniko ra·chakangaha. Indake uamang sakgittam legislator-rangna NPP-ni memborrang ong·e Assembly-o seat-ko on·china ge·etaha.
Ian UDP-na bilongen jagokatani ong·aha, party-ni dilgiparang BJP aro NPP-o napangtokaha.
Sakchet memborrangkode BJP-ni memborrang ine ra·chakaha aro da·ode sakgittam memborrangkoba NPP-ni memborrang ine ra·chakahani gimin da·ode UDP Legislature Party-o Metbah Lyngdoh-san Assembly-o saksamangmang dongaijok.
Paul Lyngdoh, Renikton Lyngdoh Tongkhar aro Nujorki Sungoh- uamangni NPP-o bakrimeaniko India-ni Constitution-ni Tenth Schedule- Paragraph 4-o pangchake Speaker-ni ra·chakanganiko Assembly Secretariat koborna u·iataha.
Iana skang UDP-ni sak 8 legislator-rang October 16 tariko BJP-o napangtokaha.
Assembly Secretariat-ni on·gipa order ba ge·etanio janapani gita, October 17 tariko UDP-oni sakgittam legislator-rang Meghalaya Legislative Assembly-o NPP baksa bakrimna tik ka·aniko Speaker-na lekka see on·aha.
Indake October 19 tariko ua chittiko Speaker-ni mikkango donaha, uni ja·man sakgittam legislator-rangko an·tangtangni kattarangko mikkang parake donchina ge·etaha. Apsan salo legislator-rang Speaker-na mikkang pa·e NPP baksa bakrimna tik ka·aniko parakaha.
Indake mamlako niangani ja·man aro legislator-rang an·tangtangan namnike darangni draatako man·gija NPP-o bakriman sikaniko parakaha ine nike Speaker, uamangni NPP- o bakrimna tik ka·aniko ra·chakangaha. Indake uamang sakgittam legislator-rangna NPP-ni memborrang ong·e Assembly-o seat-ko on·china ge·etaha.
Ian UDP-na bilongen jagokatani ong·aha, party-ni dilgiparang BJP aro NPP-o napangtokaha.
Sakchet memborrangkode BJP-ni memborrang ine ra·chakaha aro da·ode sakgittam memborrangkoba NPP-ni memborrang ine ra·chakahani gimin da·ode UDP Legislature Party-o Metbah Lyngdoh-san Assembly-o saksamangmang dongaijok.