Shillong, Oct 22: Shillong songjinmani Shiap gittimo donggipa Enforcement Directorate (ED) office-ko ma•sina man•gijagipa manderang, petrol bomachi godapangani ja•man kenjagokanirang ong•kataha.
Official-rangni u•iatani gitade, ED office-ko petrol bomachi godapangahaoba, darangba saknaanirangko aro maming gam-jinrangba nosto ka•anikode man•jaha.
Ia a•selni bidingo koborko man•soa bakan East Khasi Hills a•jani police dol, a•sel ong•gipa biapona re•ange, sakkirangko sandina a•bachengataha.
ED office-ko petrol boma godapani ja•man dos dakgipa manderang, ua biaponi katahani gimin police official-rang, dos dakgipa manderangko rim•na, CCTV camera-o man•rikgipa sakkirangkoba nienga.
Re•anggipa antirangonin, East Khasi Hills a•jao, mongsongbate a•dokni skotong Shillong songjinmao petrol bomarangko godape chadrapanirangko bang•en nikna man•engani gimin Meghalaya Police, nirok sandianirangko mangrakbatatahachim ine nikna man•a.
Ia a•selni bidingo police official-rang, mokordomako segatenba, dos dakgipa manderangni gimin maiba sakkirang donggenchimode, police-ona re•bae dakchakaniko on•china jolo songdongenggipa manderangko didiataha.
The post Shillong-o ED office-ko petrol boma godapa appeared first on Hub News.