© APA | Giorgi Zurabaşvili
21 oktyabr 2026 14:15 (UTC +04:00)
Giorgi Zurabaşvili Gürcüstanın Baş naziri İrakli Kobaxidzenin Rusiya ilə münasibətlər üzrə yeni xüsusi nümayəndəsi təyin edilib.
APA-nın yerli bürosu xəbər verir ki, bu barədə hökumət başçısı brifinqdə bildirib.
İrakli Kobaxidze qeyd edib ki, Rusiya ilə münaqişənin sülh yolu ilə həlli, mövcud ticari-iqtisadi əlaqələrin qorunub saxlanılması və inkişaf etdirilməsi, həmçinin humanitar məsələlərlə bağlı daimi dialoqun aparılması Gürcüstanın ən mühüm prioritetlərindən biridir.
Qeyd edək ki, Giorgi Zurabaşvili 2024-2025-ci illərdə Gürcüstanın xarici işlər nazirinin müavini vəzifəsini tutub. 2025-ci ilin iyulundan XİN rəhbərinin birinci müavini olub.
