Ukraine: Weerar lagu qaaday kaabayaasha tamarta oo 600,000 oo qof koronto la’aan dhigay

Dowladda Ukraine ayaa ku dhawaaqday in weerarkii lagu qaaday kaabayaasheeda tamarta uu sababay in ku dhowaad 600,000 oo qof ay koronto la’aan noqdaan, dhimashada ugu yaraan lix qof oo lagu diley agagaarka caasimadda Kyiv iyo magaalada Kharkiv ee waqooyi-bari dalka.

Madaxweynaha Ukraine, Volodymyr Zelensky, ayaa sheegay in habeenkii labaad oo xiriir ah aysan ciidamadiisu wax digniin ah oo ku saabsan weerarrada ka helin xulafadooda, iyadoo shirkadda SpaceX ee uu leeyahay Elon Musk ku eedeysay inay xaddidayso adeegga isgaarsiinta ee Starlink, taas oo sida ay sheegtay saameyn ku yeelanaysa hawlgallada milatariga Ukraine ee furimaha dagaalka.

Mareykanka ayaa dhankiisa beeniyay inuu joojiyay xogta sirdoonka ee uu la wadaagijirey Ukraine, iyadoo ay sii kordhayaan walaacyada la xiriira taageerada amni ee Kyiv ka hesho xulafadeeda, xilli xoghayaha Guud ee NATO, Mark Rutte, uu ku baaqay in dalalka xubnaha ka ah isbahaysiga ay kordhiyaan dadaallada lagu xoojinayo difaaca cirka ee Ukraine, si looga hortago weerarrada Ruushka.

Rutte oo ka hadlayay dalka Estonia ayaa sheegay in gardarrada Ruushka ee ka dhanka ah Ukraine aysan waxba iska beddelin, isaga oo carrabka ku adkeeyay in weerarrada Ruushku aysan ka hor istaagi doonin dalalka Yurub inay sii wadaan taageerada ay siiyaan Ukraine.