Siang, Oct 24 : Arunachal Pradesh Congress Committee (APCC)-ni President Bosiram Siram, janapgimin Upper Siang Multipurpose Project (SUMP)-ko rikani kosako jegalaniko dakanio Siang, Upper Siang aro East Siang-o donggipa manderangko tom·tomaniko rakkichina didiataha. Ku·rachakanirangko chu·sokatja baksana jolo songdonggipa manderang baksa name chanchirimaniko dakjani a·sel ia so·so jengjeng ong·aniko namjabatataha ine aganenba, ua BJP-chi dilenggipa sorkariko matnangataha.
Siram, battanggimin October jani 23 tariko champengataniko dakani somoio police-rangni ja·ku de·ani kosako matnangatengon, NHPC office-ko so·ani aro garirangko nosto ong·ataniko man·chape ia ong·a obostani bidingo mikkang nitea gri am·sandianiko dakchina dabiataha.
Congress, golmal kajia ong·anina chakpaaniko on·ja indiba jolo songdonggipa manderangni ma·gitcham pagitchamrangni songdongram a·arang, chibimarang, buring bolgrimrang, janggi tangani chol aro jatni dakbewal rikbewalrangko ripinge rakkianina chakpaaniko on·a ine ua aganangaha.
Una agreba ua a·dok sorkariko ia damko rikaniara naljokgipa aro samtangtango donggipa ong·telaigiparangna nangchakegipa ong·ama ong·jawa uarangni bidingo u·iatchina, nangchakea man·gipa manderang baksa chanchirimaniko ong·atchina aro uamangni jajrengani bidingo talate on·kuja dipet project-ni kamrangko dondikatchinaba ua dabiangkuaha.
The post APCC, Siang-o tom·tomaniko rakkichina didia appeared first on Hub News.