Shillong, Oct 20: Sombar salo, North Eastern Hill University (NEHU)-ni Gate No. 3-o donggipa canteen damsao rang·san wa·al ching·gaoe, university-ni chatro chatrirangna, kam ka·giparangna aro samba jolo donggipa manderangna kenjagokataniko on·angaha.
Mikrontangchi nikgipa manderangni u·iatani gitade, ia canteen-o wa·al ching·gaoa bakan, ia jol gimikon wal·ku dimikaha aro manderang, ua biaponi katpriprana a·bachengaha.
Ia canteen-ko wa·al kamani bidingo koborko man·soa bakan ia biapona wa·al kimitgipa sipairang aro garirangko watataha aro wa·alko kimitna a·bachengaha.
Ia canteen-ko wa·al kamanio komibeoba lak 20-mangni gita noksan ong·na nangaha indiba wa·al kamanio darangba saknaanirangkode man·jaha ine kobor on·timgiparang u·iataha.
Ia canteen-o maikai wa·al kamchakataha, da·o dipet tale ma·sina man·kujaenga aro iani bidingo official-rang am·sandianirangko dakengkua.
The post NEHU Shillong-ni canteen damsako wa·al kama appeared first on Hub News.