Puntland oo diiwaangelinaysa wakiilada ajaaniibta ah ee shirkadaha kalluumaysiga.

Wareegto ka soo baxday Wasaaradda Kalluumaysiga iyo Khayraadka Badda ee Dowladda Puntland ayaa lagu wargeliyay shirkadaha iyo shaqsiyaadka doonaya inay wakiil ka noqdaan gaadiidka kalluumaysiga shisheeye inay iska diiwaangeliyaan Wasaaradda, iyagoo buuxinaya shuruudaha iyo waajibaadka uu dhigayo sharciga.

Warka ayaa lagu sheegay in dhammaan shirkadaha iyo shaqsiyaadka danaynaya inay wakiil ka noqdaan gaadiidka kalluumaysiga shisheeye ay waajib ku tahay inay iska diiwaangeliyaan Wasaaradda, isla markaana buuxiyaan shuruudaha diiwaangelinta ka hor inta aysan qaban hawlaha wakiilnimada.

Wasaaradda kalluumaysiga iyo khayraadka badda Puntland ayaa sheegtay in tallaabadaani ay waafaqsan tahay qodobka 8-aad ee Xeerka Kalluumaysiga Dowladda Puntland, Xeer Lr. 12 ee 2011, iyo qodobbada 11-aad iyo 2-aad, farqaddooda X, ee Xeerka Khidmadda iyo Ujuurooyinka Kalluumaysiga Badaha Puntland, Xeer Lr. 2 ee 25-kii Agoosto 2016.