Tura, October 17: Tura Motor Sports Club (TMSC), uamangni minggni mongsonggipa gari salsusaani Moto X 2026 aro Bilgaro-XI-ko ong·atani tarikrangko parakataha. Ia bilsi-ni Moto X-o chonchongipa motorcycle salgiparangna didianiko on·a aro uamangni salna changa sapaniko namdapatna dakchakaniko on·a gital Kids category-ba donggen.
Sukrobar salo, Tura, Bonepa-o donggipa Cariz-o press conference-ko ong·atanio ia parakataniko dakangaha. Moto X 2026 motorcycle salsusaaniko October jani 30 aro 31 tariko Dodenanggre-o ong·atanggen jeon ming 5 category-rang chong·motan Beginners, Novice, Expert, 2-Stroke Open aro Kids category-rang donggen. Bilgaro-XI ba Four-Wheel Off-Road racing event-ko November jani 12 tarikoni 14 tarikona ong·atangskagen.
TMSC, press conference-ko ong·atmiting somoio rally driver Aneesh M. Sangma-ko September jao uni Rally of Himalayas 2026-o chu·sokaniko man·ahanina mande ra·pilskaaniko dakangaha. Ua, 1,350cc-oni 1,850cc batgipa engine capacity Four-Wheel Off-Road gari salsusaanio Overall Extreme Category-o 5-gipa aro T1 PCCV 4WD X3 category-o skanggipa biapko man·aha. A·songni gadango Aneesh-ni dakmesokaniara Garo Hills a·jana aro Meghalaya a·dokna mikkim rasongko ra·baaha ine club-ni gita aganangaha. Uni ia chu·sokaniara jolo motorsports-na gisiko nanggipa manderangna didiani ong·naba donga ine uamang ka·dongsoenga.
Na·simang iakoba nina man·gen:
Na·simang iakoba poraina man·gen: Tura Food Fest, jolo game ge·e cha·giparang aro dake rike cha·giparangni bosturangko mesokna cholrangko on·anga
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
The post Tura Motor Sports Club, Moto X 2026 aro Bilgaro-XI-ko ong·atani tarikrangko parakata appeared first on Hub News.