Shillong Risaw 23: Da kaba pynsngew ba dei ban jied ia u nonghikai uba la 60 snem ka rta u Dr DRL Nonglait kum u briew uba la don bha ia ka jingshemphang, uba lah ban tynruh ia ki mat jong ka Meghalaya hapoh jong ka Parliament, u Symbud Myntri Rangbah ka Jylla u Bah Sniawbhalang Dhar ha ka miet jong ka sngi Palei ula ong, ba ka elekshon shiteng samoi jong ka MP Lok Sabha na Shillong Seat kadei ban pynthikna ba u MP uba mih na ka seng kaba ialam ia ka jingsynshar un wanrah jingmyntoi ia ki paitbah.
“Ban wan ban iakhun ia ka elekshon ha ka rta kaba 60 snem kam long kaba suk, hynrei ngi donkam pat ia u briew uba la shemphang bha, uba lah ban tan ia u tyllai ban tynruh shapoh jongka Parliament” ong u Bah Dhar ha ka jingialang paitbah kaba heh kaba la long ha Mihmyntdu kaba hap ha Jowai Constituency.
Ula ong, “Nga ithuh bha ia u Dr DRL Nonglait. Ym pat dei satia u politishan hynrei kumba 88-90 tylli ki College ki don hapoh ka jongu. U lah dei ban shongthait hynrei ula long pat uba kloi ban duhthiah na ka bynta ki paitbah”.
“Ngi donkam ia u MP uba don ha ka Liang Synshar, lada ngi ioh ia u MP na ka Liang Pyrshah, haba ngi trei un pyrshah bad lada trei ma u, ngi ngin pyrshah, mano ban mad jingeh, phi ki paitbah”.
“Lada phi kum buh bakla artylli ki masi iadur, uwei u masi uba nabar bad uwei u masi Pnar, ki lah ban ia kawang hapoh ka madan, kumta ngi kwah ban ioh ia u masi u ban iaid lang ha kajuh ka lynti bad tan lang ia ujuh u tyllai” ula ong.
U Bah Dhar ula ong, ba ka sorkar kaba la ialam da ka NPP kala don ia ki projek kam pynroi kiba la kot T.20,000 Klur kiba dang iaid shakhmat tang hapoh jongka New Shillong hapoh ka jingkhmih ka jongu kum u Myntri kam pynroi sor bad sa kumba T.500 Klur ki projek kiba la sdang dang ha kine ki khyndiat sngi ha East Jaintia, kynthup ia ka T.400 Klur ha ka Constituency jong ka Kong Santa Mary Shylla bad T.80 Klur ha ka Constituency u Bah Kyrmen Shylla.
Ula pynbna ba ka 166-km na Lad Umroi sha Ratacherra ka Greenfield Project kaba kot T.21,700 Klur yn sa pyntreikam noh shen, ha kaba 80% kadei kaba hap hapoh ka rilum Jaintia Hills.
“Nga ai khublei ia ki paitbah ka rilum Jaintia namar ba ki pdiang beit ia ki kam pynroi” ula ong bad ka bynrap ba ka jingpyni ne jingbatai kaba la pyni kadei eh tang malu mala halor ka West Jaintia Hills.
Ha kane ka jingialang paitbah la wan ban iashimbynta lang u Myntri ka koit ka khiah bad u MLA ka Jowai u Bah Wailadmiki Shylla, ki MLA bad MDC ka NPP bad ki nongkitkam jong ka seng.
Pule ruh : Pynkhlain ki bor district ia ka jingiadei bad ki nongshong shnong ban tem ia ki kam bymman
Peit ruh
Wad ia ki khubor ba dang shu jia na man ki jaka kyndong ka thain Shatei Lam Mihngi ha hubnetwork.in, ka tyllong khubor online jong phi ban lap ia man ki khubor ba dang jia, ki jingring durkhih.
Bud ruh ia ki ha ka
Twitter – twitter.com/nemediahub
Youtube channel – www.youtube.com/@NortheastMediaHub2020
Instagram – www.instagram.com/ne_media_hub
Download ia ka app jong ngi na playstore – Northeast Media Hub
The post Kyrpad u Dy CM ban jied ia u Dr Nonglait ha ka elekshon MP | Batai shaphang ki kam pynroi kiba kot palat T.20,000 Klur appeared first on Hub News.