Gəncədə 36 yaşlı oğlunu bıçaqlayaraq qətlə yetirməkdə şübhəli bilinən ata saxlanılıb.
APA-nın yerli bürosunun məlumatına görə, hadisəni törətməkdə şübhəli bilinən O. Həsənov polis əməkdaşları tərəfindən tutulub.
Hadisə zamanı daha bir nəfərin bıçaq xəsarəti aldığı məlum olub. Belə ki, 1984-cü il təvəllüdlü A. Həsənov da bıçaqlanıb.
Xatırladaq ki, Gəncədə 36 yaşlı R. Həsənov bıçaq xəsarəti ilə ağır vəziyyətdə xəstəxanaya çatdırılıb. Həkimlərin səylərinə baxmayaraq, onun həyatını xilas etmək mümkün olmayıb.
İlkin məlumata görə, R. Həsənov atası O. Həsənov tərəfindən bıçaqlanıb.
Faktla bağlı araşdırmalar davam etdirilir.
***
22:27
Gəncədə 36 yaşlı kişi bıçaqlanaraq öldürülüb.
APA-nın yerli bürosunun məlumatına görə, hadisə şəhər ərazisində qeydə alınıb.
İlkin məlumata əsasən, 36 yaşlı R. Həsənov atası O. Həsənov tərəfindən bıçaqlanıb.
Ağır xəsarət alan kişi xəstəxanaya çatdırılsa da, həkimlərin səylərinə baxmayaraq, onun həyatını xilas etmək mümkün olmayıb.
Hadisə yerinə polis və prokurorluq əməkdaşları cəlb olunublar.
Faktla bağlı araşdırma aparılır.