Hambeleleni Daniel
Otaku hokololwa omukulupe womido 78 a xulifa sha landula eshi vati a ponekelwa keenyiki.
Oshiningwanima eshi osha ningilwa momukunda Onaanda moshikandjohoololo shaElim moshitukulwa shaShikoto. Osha ningwa Etitano lwopo 19h00 lwaapo.
Nakufya okwa tongololwa oye Epafras Uushona. Edi oda kolekwa komupopiliko wopolifi Deputy Commissioner Kauna Shikwambi. Otaku hokololwa Uushona a xulifa ashike eshi a fika poshipangelo sho St. Roman Catholic mOshikuku.
Omafyo
Omukwashiwana wa Angola womido 28 okwa xulifa eshi vati a a tuwa noshinima shihe shiivike nokuxulifila poshiningwanima opo.
Oshiningwanima eshi otaku hokololwa sha ningilwa momukunda Antoni moshitukulwa shaShikoto, sha ningwa po 00h20 lwaapo. Oshiningwanima shimwe, otaku hokololwa omulumenhu weedula 44 a xulifa eshi vati a tuwa noshinima shihe shiivike.
Oshiningwanima eshi osha ningilwa mofaalama yedina Koboz moKlein- Aub, sha ningwa Olomakaya lwopo 21h10 lwaapo.
A kengelelwa N$73 000
Omukainhu weedula 33 okwa kengelelwa oshimaliwa shi fike po N$73 000 kookalyamupombo.
Oshiningwanima eshi osha ningilwa modoolopa yaPuwo mexuliloshivike.
Sheli kolelela kolopota yopolifi, otaku hokololwa nakuninga oshihakanwa a dengelwa ongondi kovanhu veli vavali tave mu lombwele kutya ova denga shina sha noshikumhungu shokakalata kaye kombaanga.
Ota kuhokololwa kutya oonakumudengela ove mu pula opo vati a popye eenomola daxuuninwa dokakalata kaye kongondi.
Opolifi oya ti nakuningwa oshihakanwa konima yokuyandja onomola yaye okwa mona kutya oimaliwa yaye oya kufwa ko kombaanga ya Bank Windhoek nokutulwa kombaanga ya First Nationa Bank (FNB).
Opolifi otai kunghilile oshiwana opo shi livangeke okukala tashi yakula eengodi tadi va pula omauyelele avo ena sha neembanga.
Opolifi oya kumaida yo oshiwana shi livangeke okukala tashi yandje ouyelele weembaanga davo meengodi.
Ekwato onghonga
Okwa lopotwa okaana keedula natu ka kwatwa keenghono komulumenhu weedula 26 oo vati a li a fiwa meumbo nokaana.
Oshiningwanima eshi osha ningilwa moTsumeb Olomakaya po21h00 lwaapo.
Oulunga
Okwa lopotwa eembundi de li teyela meumbo moWindhoek mexuliloshivike komatango.
Ota kuhokololwa kutya ookalyamupombo ava ya meumbo va patulula peumbo noshilongifo shihe shiivike nokuvaka mo oinima yongushu yoshimaliwa N$36 500.
Oshiningwanima sha faafana, otaku
hokololwa ookalyamupombo oveli teyela
mololi yovanhu manga yali poshitaashi shomaholi. Ota kuhokololwa kutya ovakufa mo omamanya ololi eli avali ongushu yoshimaliwa shi fike poN$12 000.
-hambelelenindaniel56@gmail.com
The post Omukulupe a xulifa eshi a ponokelwa keenyiki appeared first on New Era.