ДУШАНБЕ, 15.10.2026 /АМИТ «Ховар»/. Сафири Фавқулода ва Мухтори Ҷумҳурии Тоҷикистон дар Давлати Кувайт Хусрав Нозирӣ бо Вазири маорифи Давлати Кувайт Ҷалол Абдулмуҳсин Ат-Табтабоӣ мулоқот намуд.
Тавре ба АМИТ «Ховар» аз Сафорати Ҷумҳурии Тоҷикистон дар Давлати Кувайт хабар доданд, дар мулоқот вазъи кунунӣ ва дурнамои ҳамкории Тоҷикистон ва Кувайт дар соҳаи маориф баррасӣ шуда, оид ба роҳҳои ҳамоҳангсозии робитаҳо байни ду мамлакат дар арсаи мазкур табодули назар сурат гирифт.
Дар ин росто, ҷонибҳо бар аҳаммияти таҳкими ҳамкорӣ дар такмили ихтисоси омӯзгорон, таҳсили донишомӯзон, баҳрабардорӣ аз фанновариҳои рақамӣ ва ҳуши маснуӣ дар раванди таълим, инчунин табодули таҷрибаи пешқадам дар самти таълими фанҳои гуногун таъкид карданд.
АКС: Сафорати Ҷумҳурии Тоҷикистон дар Давлати Кувайт
Октябрь 15, 2026 10:40
