Ciidamada booliska iyo kuwa gaarka ah ee amniga ayaa si weyn looga hawlgeliyay magaalooyinka Faransiiska, iyadoo kumannaan qof ay ka qaybqaadanayaan mudaaharaadyo cusub.
24 October, 2026
Dibadbaxayaal ayaa mar kale isugu soo baxay waddooyinka, kaddib markii mudaaharaadyadii toddobaadkii hore ay isu beddeleen rabshado iyo fowdo, iyadoo kooxo bililiqo iyo rabshado waday ay ku biireen dibadbaxyada.
Dowladda Faransiiska ayaa cadaadis kala kulmaysay dhinacyada midig iyo bidix, kuwaas oo ku baaqayay in tallaabooyin dheeraad ah la qaado. Dowladda ayaa maanta magaalooyinka dalka ku daahfurtay hawlgal amni oo ballaaran.
In ka badan 70,000 oo askari oo boolis ah iyo ciidamo gaar ah ayaa la geeyay waddooyinka Paris, Marseille iyo magaalooyin kale.
Matxafyada ku yaalla Paris ayaa maanta xiran, halka boolisku ay sameynayaan baaritaanno goos-goos ah, si loo hubiyo in kooxaha rabshadaha wada laga fogeeyo waddooyinka loo asteeyay dibadbaxyada ee caasimadda.
Mudaaharaadyo ayaa sidoo kale laga filayaa siddeed magaalo oo Talyaani ah, oo ay ku jiraan Rome iyo Milan.
Explore more on these topics