Itanagar, Oct 23: Arunachal Pradesh sorkarini Siang Upper Multipurpose Project (SUMP)-ni ning•o dam rikna miksongenganiko jegale Sukrobar salo, Arunachal Pradesh a•dokni dingtang dingtang dolrang, jekai Adi Bane Kebang-United, SUMP-Affected Youth Association, Siang Indigenous Farmers Forum aro Adi Galo Welfare Society, konta 12-na Siang, Upper Siang aro East Siang-ni mitam bakrango, kamrangko ka•na on•gija, dokkanrangko chipate aro ramarangko champenge jingjengatangaha.
Ia dam rikani project-ko chu•gimik ra•galpilchina aro Siang jolrango donatgipa ma•mongni sipai dolrangko ra•angpilchina dabie, ia jingjengataniko ong•ataha.
Ia project-ko jegale jingjengatengmiting somoio, jegalenggipa manderangko katatna Boleng Police, Geku-ona dakanggipa ramani Ditte Dime samba jolo tear gas-rangko goaha aro tear gas-rangko goanio, adita sak manderang saknaanirangko man•aha ine official-rang u•iataha.
Police official-rangni aganani gitade, jegalenggipa manderang, police-ko ro•ongrangchi goaha aro ja•mano police-ba manderangko katatna tear gas-rangko goskana nangaha.
The post Arunachal-o Siang Upper Multipurpose Project-ko jegale konta 12-na bandh ong•ata appeared first on Hub News.